Nida Xəbər
Türkiyədə Xocalı soyqırımı elmi təsdiqini tapdı
Türkiyəli gənc tədqiqatçı Dərya Yıldız Özkaraman “Xocalı soyqırımı” mövzusunda elmi işini uğurla müdafiə edib.
Publika.az xəbər verir ki, tədqiqatçının Türkiyə Hərbi Akademiyasının Strateji Araşdırmalar İnstitutunda müdafiə etdiyi elmi iş kitab şəklində də nəşr olunub. D.Özkaramanın elmi rəhbəri və 265 səhifədən ibarət kitabın redaktoru Azərbaycan əsilli professor Aygün Əttardır.
Xocalıda baş verənləri “bir türk soyqırımı, bir erməni vəhşiliyi, bir axmayan göz yaşı” kimi səciyyələndirən tədqiqatçı Ermənistan-Azərbaycan, Dağlıq Qarabağ münaqişəsinin səbəb, məqsəd və nəticələri barədə ən yeni materialları tədqiqata yönəldib. Xocalı faciəsinin bəşəri cinayət və soyqırımı aktı olduğunu hüquqi cəhətdən əsaslandırıb. Soyqırımı aktlarının qadağan olunması barədə beynəlxalq təşkilatların qərar və qətnamələrini, münaqişələr zamanı dinc əhalinin toxunulmazlığını və digər məqamları ətraflı təhlil edib.
Elmi işin və nəşrin əhəmiyyəti barədə fikir və mülahizələrini bölüşən professor A.Əttar diqqətə çatdırıb ki, “Xocalı soyqırımı” mövzusunda elmi işin Türkiyədə müdafiə olunması və kitab halında nəşri bu ölkənin elmi ictimaiyyətinin Xocalı faciəsini soyqırımı aktı kimi qəbul etməsinin hüquqi baxımdan daha bir təsdiqidir. Türkiyə Hərbi Akademiyası dünya şöhrətli elm ocağı olaraq erməni vandalların Xocalıda törətdikləri qanlı hadisənin soyqırımı aktı kimi qəbul etməklə öz qərarını ortaya qoyub.
Qeyd edək ki, Aygün Əttar Qarabağ həqiqətləri və Xocalı soyqırımı haqqında daima Türkiyədəki televiziya proqramlarında çıxış edir. Ayrıca keçən il aprel ayında İsveç parlamentində bu məsələlər haqqında elmi çıxışı olub.
Tuncelidə Asala terror təşkilatı, o cümlədən azərbaycanlılara adı yaxşı bəlli olan məşhur terrorçu Monte Melkumyanın da adının həkk olunduğu abidə barədə məlumatların Türkiyə rəhbərliyinə çatdırılması və bu abidənin məhv edilməsində də A.Əttor xüsusi fəallıq göstərib.
Bütün bu fəaliyətləri səbəbi ilə bu il Azərbaycan prezidenti tərəfindən Vətənə Xidmət ordeni ilə təltif edilib.
-
Nida Xəbər 09:30
Bakıda bu ərazi sökülür - Sakinlər narazıdır
-
Avropa09:00
Putinin sabiq həyat yoldaşı Lyudmilanın hazırkı ərinin villası bu ölkədə müsadirə edildi
-
Nəqliyyat08:25
Paytaxtın bu yollarında tıxac yarandı - SİYAHI
-
Sağlamlıq07:37
Yaz aylarında infarkt riski artır - Hansı tədbirləri görmək lazımdır?
-
Ekopublika.az07:25
Azərbaycanda bəzi ərzaq məhsulları ucuzlaşdı - VİDEO
-
Nida Xəbər 02:19
Paris Bakı ilə münasibətlərin normallaşması üçün addım atmasa... - Hadisələr necə inkişaf edəcək?
-
Qoroskop00:46
Günün qoroskopu: şəxsi həyatınızda ciddi dəyişikliklər ola bilər
-
Hadisə17 Aprel 23:11
Aytən Səfərovanın düşdüyü qəzada ölən gəncin FOTOSU