Fələstin baş nazirinin müavini Azərbaycana gələcək
Bizi izləyin

Nida Xəbər

Fələstin baş nazirinin müavini Azərbaycana gələcək

Fələstin baş nazirinin müavini Ziyad Əbu Amr martın 16-17-də keçiriləcək V Qlobal Bakı Forumunda iştirak edəcək.

Diasporla İş üzrə Dövlət Komitəsinin mətbuat xidmətindən Publika.az-a verilən məlumata görə, onun forumda terrorizmlə mübarizəyə dair çıxışı nəzərdə tutulub.

“Müasir dövrdə terrorizmlə mübarizədə necə qalib gəlmək olar? Hansı vasitə, üsul və strategiya tətbiq edilməlidir?” adlı paneldə Ziyad Əbu Amr müasir dövrdə terrorizmlə mübarizədə qalib gəlməyin yolları, strategiyası barədə fikir və təkliflərini bildirəcək.

Terrorizmlə mübarizəyə həsr olunmuş panel müzakirələrində Fələstin baş nazirinin müavini ilə yanaşı, İordaniya senatının sədri Faysal əl-Fayez, İsgəndəriyyə Kitabxanasının direktoru, Nizami Gəncəvi Beynəlxalq Mərkəzinin həmsədri İsmail Serageldin, Səudiyyə Ərəbistanı şahzadəsi, kral Faysal, Araşdırma və İslami Çalışmalar Mərkəzinin sədri Turki əl-Faysal və digər ictimai-siyasi xadimlərin iştirakı nəzərdə tutulub.

“Beynəlxalq münasibətlərin gələcəyi: güc və maraqlar” mövzusuna həsr edilən V Qlobal Bakı Forumu Diasporla İş üzrə Dövlət Komitəsinin dəstəyi, Nizami Gəncəvi Beynəlxalq Mərkəzinin təşkilatçılığı ilə keçirilir.

Oxumağa davam et
Reklam
Reklam

Gündəm