Nida Xəbər
Azərbaycanın zəfəri: İslam dünyası nə qazandı, biz nə?
75 qızıl, 46 gümüş və 36 bürünc. Bu, Azərbaycanın ev sahibliyi
etdiyi IV İslam Həmrəyliyi Oyunlarında qazandığı medalların
sayıdır. Azərbaycan IV İslam Həmrəyliyi Oyunlarının qalibidir.
10 gün ərzində Bakıda keçirilən idman yarışlarının əsas qalibi isə
ilk növbədə bütün İslam aləmi hesab oluna bilər. Azərbaycanın
Birinci vitse-prezidenti, IV İslam Həmrəyliyi Oyunlarının Təşkilat
Komitəsinin sədri xanım Mehriban Əliyevanın dediyi kimi,
“Son 10 gün ərzində burada, Bakıda bizim üçün və hamı üçün
əsl qələbə bu Oyunlarda gördüyümüz İslam aləminin həmrəyliyi oldu.
Olduqca fərəhləndiricidir ki, Azərbaycan xalqlar arasında dostluq
ruhuna dəstək verdi. Biz hamımız gələcəkdə bu ülvi missiyanın davam
etdirilməsi üçün yorulmadan çalışmalıyıq”.
Bəli, Azərbaycanın paytaxtı siyasi maraqlar uğrunda parça-parça
olan İslam dünyasının birləşdiyi məkan oldu.
- Siyasi münaqişədə olan ölkələrin idmançıları Bakıda əl-ələ
tutuşdu, bir süfrədən çörək yedi.
- Və bütün dünya İslamın bir olduğunun, bir ola biləcəyinin şahidi
oldu.
Bu baxımdan, idman sadəcə atletlərin güc nümayişi yox, mədəni
körpü, siyasi həmrəylik və insanları bir araya gətirən əsas
faktorlardandır. Bakı İslam dünyasını həmrəy etməyi, bir ürək kimi
döyünə bilməsini həyata keçirtdi, bunu bacardı. Və bütün bunların
fonunda Azərbaycanın qazandığı dividendlər də aydın görünür.
Azərbaycan IV İslam Həmrəyliyi Oyunlarının sözün bütün mənalarında
qalibidir. Bu qalibiyyət təkcə medalların sayına görə yox, iqtisadi
və siyasi dividend, təbliğat, eləcə də ölkənin nüfuzunun artmasında
cəmləşir. Çünki idman təkcə yarışlar deyil, idman bir ölkənin
inkişafının göstəricisi, mədəni üstünlüyü, “yumşaq güc” siyasətində
əsas faktordur.
İdman: Azərbaycan oyunların ilk pilləsində aldığı
yeri növbəti İslamiadaya qədər tutacaq. Bu, növbəti 4 il ərzində
bütün İslam dünyasında İslamiadanın qalibi olaraq yad edilmək
deməkdir. 50-dən artıq ölkədə İslamiadanın hazırki qalibi kimdir
sualının cavabı “Azərbaycan” olacaq və bu, cəlbedici ölkə olmaq,
tanınmaq baxımından mühüm qazancdır. Belə demək mümkünsə, növbəti 4
il ərzində İslam aləmində qalibiyyətin sinonimi Azərbaycan sözü
olacaq.
Təbliğat: Azərbaycan IV İslam Həmrəyliyi Oyunları
ilə 54 ölkədə öz təbliğatını mükəmməl şəkildə qurdu.
- İslamiadanın mayın 12-də keçirilən açılış və mayın 22-də
keçirilən bağlanış mərasimlərini, eləcə də 10 gün ərzində Bakıda
baş tutan yarışları 54 ölkədən 1 milyard 500 mindən artıq insan
mavi ekranlardan izlədi.
- Oyunlardan iştirak üçün Bakıya gələn 3 min idmançı, 1000-dən çox
nümayəndə Azərbaycanı yaxından tanıdı. Bununla yanaşı, oyunlara
amaşa üçün ölkəmizə gələn turistlərdə də Azərbaycan haqda dolğun
təəssürat formalaşdı.
- İslamiadada qalib gələn idmançılara 1600 medal təqdim edildi. Bu
İslamiadanın medalları olsa da, hər birinin üzərində əldə olunduğu
tarixi və məkan qeyd olunub. Bu isə o deməkdir ki, Azərbaycanın adı
1600 medalın üzərinə həll olunub. Hansı ki, Azərbaycanda qalib
gələn idmançılar öz medallarının üzərində həmişə ölkəmizin adını
görəcək.
İqtisadi və siyasi: Rəsmi məlumata görə, oyunlar
zamanı 165 növ idman yarışına 500 mindən çox bilet satılıb.
Həmçinin, reklam çarxları və 5 xarici sponsorun olması da
Azərbaycanın iqtisadi qazancıdır. (İslamiadada əldə etdiyimiz
gəlirlər hələlik açıqlanmayıb). Lakin əsas qazanc qarşıdakı dövrdə
gözlənilir. Xüsusilə İslam ölkələrindən Azərbaycana gələn
turistlərin sayı artacaq.
Oyunlar zamanı Azərbaycan İslam dünyasının mərkəzi olaraq çıxış
etdi. “Siyasətdə idman faktoru” prizmasından yanaşsaq, bu oyunların
Azərbaycanın siyasi nüfuzunun artması, İslam dünyasını birləşdirən
mərkəz ola biləcəyini nümayiş etdirməsi baxımından əhəmiyyətli
idi.
Ümumilikdə, qalib Azərbaycan və İslam dünyasıdır.
Asif
-
İdman11:03
"Neftçi"də nə baş verir? - Qruplaşmalar, daxili çəkişmələr...
-
Sosial10:31
Hətta xasiyyəti belə dəyişən ay - Daim içki içən şəxs Ramazanda oruc tutarsa...
-
Ekologiya09:57
Rayonlara qar yağdı, şaxta düşdü - FAKTİKİ HAVA
-
Region09:24
Almanlar Ermənistanın Azərbaycan və Türkiyə ilə sərhədində görün nə edirlər - FOTO
-
Nida Xəbər 09:03
Mehriban Əliyevadan İlaxır çərşənbə ilə bağlı paylaşım - FOTO
-
Qoroskop08:34
Pul və sevgidə bəxti gətirəcək 3 BÜRC
-
Nəqliyyat08:22
Bakının bu yollarında tıxac yarandı - SİYAHI
-
Sağlamlıq07:08
Səhər oyanan kimi 5 ədəd qoz yesəniz, görün nələr olacaq...