Nida Xəbər
Ermənistan günün sonunda hücuma keçə bilər - Qarabağda TƏXRİBAT HAZIRLIĞI
Bu gün Azərbaycanın işğal edilmiş Dağlıq Qarabağ
bölgəsində ermənilərin yaratdığı qondarma “DQR” rejiminin
“prezidenti” Bako Saakyanın “andiçmə mərasimi” keçirilir.
Publika.az Ermənistan mediasına istinadən xəbər verir ki,
yeni “konstitusiyaya” görə qondarma rejimin “parlamenti” tərəfindən
seçilən Bako Saakyan 2020-ci ilə qədər keçid dövrünün “prezidenti”
olacaq. 2020-ci ildən sonra ümumi seçkilər keçiriləcək. Lakin Bako
Saakyanın hakimiyyətini 2030-cu ilə qədər davam etdirəcəyi də
deyilir.
Bu, Ermənistan prezidenti Serj Sarkisyanın rəhbərlik etdiyi
“Qarabağ klanı”nın planıdır. Sarkisyan gələn il prezident
səlahiyyətlərini təhvil verəcək, lakin onun ölkəyə nəzarəti əlində
saxlamaq üçün Milli Təhlükəsizlik Şurasının rəhbəri olacağı
deyilir. İşğal olunmuş Dağlıq Qarabağda qondarma rejimin
möhkəmlənməsinə hesablanmış addımlar isə ümumilikdə “Qarabağ
klanı”nın Qarabağ kartından istifadə edərək, Ermənistanda
hökmranlığı davam etdirməsi planının əsas hissəsidir. Burada həm də
Ermənistanın işğalçı rejiminin Azərbaycan torpaqlarını 2030-cu ilə
qədər işğalda saxlamaq niyyəti də açıq görünür. Lakin Azərbaycan
buna imkan verəcəkmi? Yaranmış situasiya və Azərbaycan Ordusunun
zərbələri işğalçıların arzularının baş tutmayacağına əminlik
yaradır.
Digər tərəfdən, bu gün “inauqurasiya” mərasimindən sonra erməni
hərbi birləşmələrinin cəbhədə yeni təxribata əl atacağı da istisna
deyil. Çünki Ermənistanda Bako Saakyanın “prezidentliyi”nə qarşı
çıxanlar var, xüsusilə millətçi daşnaklar bunu qəbul etmək istəmir.
Sarkisyanın komandası isə “DQR”-də “prezidentlik institutunun”
gücləndirilməsini müharibə vəziyyəti və Azərbaycanla döyüşə
hazırlıqla əsaslandırırlar. Ehtimal ki, Sarkisyan hakimiyyəti bu
“arqumenti” sübut etmək üçün günün sonunda təxribata əl ata
bilər.
Asif
-
İdman03:18
“Mançester Yunayted”in ən seksual azarkeşi - FOTOLAR
-
İdman01:45
Məşhur kluba ağır cəza - 18 xalı silindi
-
Sosial01:01
Azərbaycana qaytarılan dörd kəndin sakinləri DANIŞDILAR - VİDEO
-
Qoroskop00:31
Günün qoroskopu: köklü yeniliklər başlanır
-
Magazin119 Aprel 23:15
Nazpəri illər sonra İlhamə Quliyeva ilə küsülü olmasının səbəbini açıqladı - VİDEO
-
Hadisə19 Aprel 22:48
Bakı metrosunda OLAY
-
Nida Xəbər 19 Aprel 22:24
4 kənd qayıtdı - Növbəti mərhələdə nə var?
-
Dünya19 Aprel 22:12
Ukrayna Rusiyanın hərbi obyektlərini vura bilər - NATO-dan TAM DƏSTƏK