Nida Xəbər
"Struktur islahatları ilə daha çevik hökumət quruldu" - DEPUTAT
Azərbaycanda Prezident İlham Əliyevin rəhbərliyi ilə
həyata keçirilən struktur islahatları idarəetmə sisteminin
təkmilləşməsinə xidmət edir. Bu islahatlar nəticəsində idarəetmə
sistemindəki paralelliyin və təkrarçılığın aradan qaldırılması,
dinamikli, mobilli, daha çevik, operativ idarəçilik mexanizminin
formalaşması həyata keçirilir.
Prezident İlham Əliyev dəfələrlə bu islahatların aparılmasının
zəruriliyini qeyd edib. Çünki bəzi qurumlar bir çox halda
bir-birinin fəaliyyətini təkrarlayır ki, bu da həm mürəkkəb
strukturun formalaşmasına, həm də bürokratiyaya səbəb olur. 2016-cı
ilin 26 sentyabr tarixində keçirilən referendumdan sonra bu
əngəllərin aradan qaldırılması, daha təkmil struktur mexanizminin
yaradılması istiqamətində mühüm addımlar atıldı. Belə addımlardan
biri də Nazirlər Kabinetinin fəaliyyətinin
təkmilləşdirilməsidir.
Prezident İlham Əliyevin 2017-ci il 23 avqust tarixli fərmanı ilə
Nazirlər Kabineti Aparatının yeni strukturu təsdiq edildi və
Aparatın işçilərinin say həddi (İşlər idarəsi istisna olmaqla) 200
ştat vahidi müəyyən edilib. Fərmana əsasən, mövcud olan 11 şöbənin
birləşdirilməsi nəticəsində 5 yeni şöbə yaradılıb. Həmçinin bir
sıra şöbələrin adları dəyişdirilməklə fəaliyyət istiqamətləri
təkmilləşdirilib.
Təsdiq olunmuş struktur belədir: Baş nazirin xidməti; Baş nazirin
birinci müavininin xidməti; Baş nazirin müavinlərinin xidmətləri;
Nazirlər Kabineti Aparatının rəhbərinin xidməti; Nazirlər Kabineti
Aparatı rəhbərinin müavininin xidməti; Hüquq şöbəsi; Maliyyə və
iqtisadiyyat məsələləri şöbəsi; Humanitar və sosial məsələlər
şöbəsi; Beynəlxalq əlaqələr şöbəsi; Sənaye və energetika məsələləri
şöbəsi; Neft və kimya məsələləri şöbəsi; Kənd təsərrüfatı
məsələləri şöbəsi; Ekologiya məsələləri şöbəsi; Təhlükəsizlik və
müdafiə məsələləri şöbəsi; Kommunikasiya, tikinti və kommunal
təsərrüfatı məsələləri şöbəsi; Regionların inkişafı məsələləri
şöbəsi; Beynəlxalq maliyyə təşkilatları ilə iş şöbəsi; Qaçqınların
və məcburi köçkünlərin məsələləri şöbəsi; Sənədlərlə və
vətəndaşların müraciətləri ilə iş şöbəsi; Mətbuat xidməti; İşlər
idarəsi.
Nazirlər Kabineti bu vaxta qədər sabiq Baş nazir Surət Hüseynovun
1994-cü ildə təsdiq etdiyi Müvəqqəti Reqlament əsasında fəaliyyət
göstərirdi. Qeyd edilən Fərmanda Azərbaycan Prezidentinin verdiyi
tapşırıqdan sonra “Azərbaycan Respublikası Nazirlər Kabinetinin iş
qaydası” və “Azərbaycan Respublikası Nazirlər Kabinetinin Aparatı
haqqında Əsasnamə” layihələri qısa müddətdə hazırlandı və
dövlətimizin başçısının 2017-ci il 10 oktyabr tarixli Fərmanı ilə
təsdiq edildi.
Bu sənədlər Nazirlər Kabinetinin fəaliyyətinin təkmilləşdirilməsi,
operativliyinin təmin edilməsi və səmərəliliyinin yüksəldilməsi
məqsədilə qəbul olunub.
Bunu Publika.az-a şərh edən millət vəkili
Aydın Hüseynov bildirib ki, islahatlar Nazirlər
Kabinetinin işinin effektivliyinə müsbət təsir göstərəcək:
“Nazirlər Kabineti ali icraedici orqandır. Bu orqanın strukturu nə qədər mükəmməl olarsa, bir-birini təkrarlamazsa, işin operativliyi və nəzarətin çevikliyinə o qədər müsbət təsir edər. Sözügedən islahatlar büdcə vəsaitlərinə qənaətlə yanaşı, Nazirlər Kabinetinin işinin daha da effektliyinə təsirini göstərəcək. Bu kimi islahatlar iqtisadiyyatımızın stimullaşdırılmasına, idarəetmənin çevikliyinə xidmət edən və bu sahəni daha da mükəmməlləşdirən tədbirlərdir”.
A.Hüseynov bu cür islahatların aparılmasının zamanın tələbi olduğunu bildirib:
“Ölkəmizdə yeni iqtisadi strategiya müəyyənləşdirilib. Ötən ilin dekabrında cənab Prezidentin sərəncamı ilə Strateji Yol Xəritəsi hazırlanıb. İqtisadiyyatın 12 sektorunu əhatə edən mükəmməl bir proqram ortaya qoyulub. Bu da özlüyündə daha çevik və optimal sturukturların yaradılmasını tələb edir. Bir-birini təkrarlayan struktur dəyişikliklərinin aparılması zamanın, iqtisadi çağırışların tələbidir. Bu məsələni gecikdirmək olmaz və artıq öz həllini tapıb”.
Millət vəkili Vahid Əhmədov isə bildirib ki, Nazirlər Kabineti bu vaxta qədər 1994-cü ildə təsdiq edilən Müvəqqəti Reqlament əsasında fəaliyyət göstərirdi, bu gün daha çevik bir hökumətə ehtiyac var:
“Bu baxımdan Prezidentin imzaladığı fərman çox əhəmiyyətli addımdır. Struktur islahatları həyata keçirilməklə daha çevik hökumət quruldu ki, bu da Azərbaycanda iqtisadi islahatları aparmaq üçün normal şərait yaratmağa yönəldilib. Müəyyən struktur islahatları sona çatdırılmayıb, müəyyən işlər görüləcək. Ümumilikdə isə aparılan işlər qane edir. Nazirlər Kabinetinin strukturunun təkmilləşdirilməsi Azərbaycanda aparılan iqtisadi islahatların faktiki olaraq tərkib hissəsidir”.
-
Qoroskop00:34
Günün qoroskopu: axşam saatlarında pul gələcək...
-
İnanc00:01
Bu gün İlaxır çərşənbədir
-
Region18 Mart 22:55
Ərdoğan Putini təbrik etdi
-
MDB18 Mart 22:15
“Rusiya nüvə tərksilahına dair danışıqlara hazırdır” - Peskov
-
Magazin118 Mart 21:50
Renka qəza keçirdi - FOTO
-
Ekologiya18 Mart 20:15
Torpaq çərşənbəsində və Novruz bayramında hava belə olacaq - VİDEO
-
Nida Xəbər 18 Mart 19:30
Ordumuz bu ərazilərdə mövqelərini möhkəmləndirir - Zakir Həsənov
-
Səhiyyə18 Mart 18:40
Azərbaycanda dərmanlarla bağlı YENİ QAYDA