Nida Xəbər
Lavrovun Bakıdan Kremlə təcili zəngi və qapalı Qarabağ görüşünün SENSASİYALI DETALLARI
Azərbaycana və Ermənistana Rusiyanın xarici işlər naziri
Sergey Lavrovun rəsmi səfəri artıq qurtardı, ancaq bizim
cəmiyyətimizdə səbəblərin coşğun müzakirəsi davam edir. Ən əsas da
Yerevana Rusiya diplomatiyasının başçısının gəlişinin nəticələri
müzkirə olunur..
Rusiya xarici işlər naziri Sergey Lavrov əvvəlcə Bakıya, daha sonra
İrəvana səfər etdi. Səfər başa çatsa da, Lavrovun gəlişinin
məqsədinin nə olduğu əsas müzakirə mövzusuna çevrilib.
Publika.az xəbər verir ki, Ermənistan mediası Lavrovun İrəvan
səfərinin məqsədinin Qarabağ ətrafındakı rayonların Azərbaycana
qaytarılması olduğunu yazır.
Erməni siyasi şərhçi Viqen Petrosyan yazır ki, Rusiya Ermənistandan
Qarabağ ətrafındakı rayonların bir neçəsini azad etməyi
istəyir.
“Lakin vəziyyət daha mürəkkəb və kədərlidir, təbii ki, Ermənistan
üçün. Nazirlər Kabineti və Prezident Aparatındakı mənbələrimiz
Lavrovun İrəvan səfərinin bəzi detallarını açdı. Onların
dediklərinə görə, Lavrov və Sarkisyan arasında bağlı qapılar
arxasında keçirilən görüşdə müzakirələr olduqca gərgin olub. Məsələ
ondadır ki, Moskva Avrasiya İqtisadi İttifaqının iki üzvü –
Qazaxıstan və Qırğızıstan arasında münaqişənin nəticəsində
ittifaqın reytinqinin sürətlə düşməsindən narahatdır. Putin bu
ittifaqa böyük güc sərf edib, buna görə də Astana və Bişkekin
mübahisələrinin ümumi imicə zərər verməsini qəbul etmir. Xüsusilə
bunun Rusiyada prezident seçkiləri ərəfəsində baş verməsi
qəbuledilməzdir. İttifaqın imicinin yüksəldilməsi üçün Rusiya
Azərbaycanın Avrasiya İqtisadi İttifaqına qəbul edilməsi variantı
üzərində düşünür. Bakı bunun qarşılığında öz şərtlərini irəli
sürdü: “Biz işğal edilmiş Qarabağ ətrafındakı rayonlardan ilkin
olaraq, beşinin azad edilməyəcəyi təqdirdə ittifaqa giriş haqda
düşünə bilmərik”.
Bakının ilkin şərti budur. Lavrov Bakıda Azərbaycan prezidenti
ilə görüşəndən sonra Kremlə zəng etdi və böyük ehtimalla bu
şərtlərlə razılaşdılar. Kremldən dəqiq göstərişlər alan Lavrov
İrəvana gəldi və Sarkisyanla ağır danışıqlar aparıldı. İttifaqa
hansısa ölkənin daxil edilməsi yalnız bütün üzv ölkələrin razılığı
ilə mümkündür. Lavrov qapalı görüşdə Sarkisyana Azərbaycanın
ittifaqa üzv olmasına razılıq verməyi və bunun baş tutması üçün
rayonların azad edilməsi haqda Kremlin ultimatumunu çatdırdı”, -
deyə V.Petrosyanın mənbələri qeyd edirlər.
Mənbələr həmçinin qeyd edirlər ki, Lavrov Sarkisyandan noyabrın
24-də Avropa İttifaqı ilə saziş imzalamaqdan imtina etməyi tələb
etdi:
“Lavrov Sarkisyana bildirdi ki, Kreml Qarabağ ətrafındakı
rayonların beşini yox, iki, yaxud üçünü qaytara da bilər. Yalnız o
şərtlə ki, Ermənistan Avropa İttifaqı ilə sazişdən imtina etsin.
Sarkisyanın etirazları heç bir işə yaramadı. Onun Lavrovla görüşdən
sonra qızarmış üzü də hər şeyi nümayiş etdirirdi”.
Asif
-
Sağlamlıq07:08
Səhər oyanan kimi 5 ədəd qoz yesəniz, görün nələr olacaq...
-
Qoroskop00:34
Günün qoroskopu: axşam saatlarında pul gələcək...
-
İnanc00:01
Bu gün İlaxır çərşənbədir
-
Region18 Mart 22:55
Ərdoğan Putini təbrik etdi
-
MDB18 Mart 22:15
“Rusiya nüvə tərksilahına dair danışıqlara hazırdır” - Peskov
-
Magazin118 Mart 21:50
Renka qəza keçirdi - FOTO
-
Ekologiya18 Mart 20:15
Torpaq çərşənbəsində və Novruz bayramında hava belə olacaq - VİDEO
-
Nida Xəbər 18 Mart 19:30
Ordumuz bu ərazilərdə mövqelərini möhkəmləndirir - Zakir Həsənov