Baş nazir: "Vacib islahatlar aparacağıq" - (YENİLƏNDİ)
Bizi izləyin

Nida Xəbər

Baş nazir: "Vacib islahatlar aparacağıq" - (YENİLƏNDİ)

"Prezidentin bu etimadı mənim üzərimə böyük vəzifə qoymuş oldu. Buna görə ölkə Prezidentinə təşəkkür edirəm. Bu həm çətin, həm də şərəfli vəzifədir”.

Publika.az xəbər verir ki, bu sözləri Milli Məclisdə çıxışı zamanı yeni baş nazir Novruz Məmmədov deyib.

N.Məmmədov bildirib ki, bu gün Azərbaycan dünya miqyasında yeri olan bir ölkədir: “Dünyada mürəkkəb siyasi proseslərin müşahidə olunduğu vaxtda ölkəmizdə müşahidə oluanan sabitliyi qorumaq böyük vəzifədir. Üzərimə qoyulan bu çətin vəzifəni icra edərkən ölkə prezidenti, millət vəkilləri, hökümət nümayəndələri ilə birlikdə fəaliyyət göstərməyə çalışacam. Heydər Əliyev siyasi kursunu davam etdirəcəm".

Yeni baş nazir vacib və ehtiyac olan sahələrdə birgə islahatlar aparacağını vurğulayıb.

O bildirib ki, Azərbaycan ölkə başçısının apardığı uğurlu siyasət nəticəsində özünün ən yaxşı dövrünü yaşayır: "Son illər Azərbaycan xarici və daxili siyasət sahəsində böyük uğurlar əldə edib. Çox xoşbəxtəm ki, eyni dövrə mən də şahid oluram. Daha çox xarici siyasətlə məşğul olmuşam, ona görə də deyə bilərəm ki, ölkəmiz enerji, mədəniyyət, multikulturalizm kimi sahələrdə uğurlu siyasət həyata keçirib. Beynəxlaq əməkdaşlıq sahəsində beynəlxalq münasibətlərə töhfə verib. Bu günə qədər əldə edilmiş uğurların istiqamətini daha da konkretləşdirmək, qarşıda bizi gözləyənləri nəzərə alaraq addım atmağa çalışacam. Həmçinin cənab prezidentin dəstəyi, hökümət nümayəndələri ilə birlikdə işləyərək uğurlara nail olacağımıza inanıram. Bu günə qədər Azərbaycan çox böyük layihələri həyata keçirib. Dünyanın heç bir ölkəsi Azərbaycanla müqayisə edilə bilməz. Yaxın 3 ildə Azərbaycanın siyasəti həyatında böyük uğura imza atacağımıza söz verirəm. Həm sizə, həm də cənab Prezidentə söz verərəm ki, üzərimə qoyulan vəzifəni layiqincə yerinə yetirəcəyəm. Burada haqqımda deyilən sözlər məni qürurlandırdı. Başda Oqtay Əsədov olmaqla, bütün millət vəkillərinə, Prezident İlham Əliyevə bu məsuliyyətli vəzifəyə görə təşəkkür edirəm”.

Gülxar

Oxumağa davam et
Reklam
Reklam

Gündəm