Nida Xəbər
Avropa Şurasının baş katibi azərbaycanlı deputatın mövqeyini təqdir etdi
Avropa Şurası Parlament Assambleyasının (AŞPA) yaz sessiyasında müzakirəyə çıxarılan əsas məruzələrlə yanaşı, aktual problemlərlə bağlı ənənəvi sual-cavablar keçirilib.
Publika.az AZƏRTAC-a istinadən xəbər verir ki, Avropa Şurasının baş katibi Torbyorn Yaqlandın siyasi qrupların təmsilçiləri və ayrı-ayrı deputatların qaldırdığı bir sıra sualları cavablandırması sessiyanın ikinci iş günündə ən maraq doğuran çıxışlardan olub.
Azərbaycanın AŞPA-dakı nümayəndə heyətinin üzvü Rafael Hüseynov bir çox ölkələrin vaxtaşırı narahatlıq duyduğu məslə ilə bağlı belə bir sual verib: “Mədəniyyət, idman, elm kimi dəyərlərin əsas fəlsəfəsi insanları və ölkələri bir-birinə daha artıq yaxınlaşdırmaqdır. Təəssüf ki, bəzən bu dəyərlər də siyasi qarşıdurmalarda əlavə vasitə kimi istifadə edilir. Məsələn, qarşıdan bütün dünyanın həmişə həvəslə gözlədiyi böyük futbol bayramı, dünya çempionatı gəlir. Lakin bu bayramın xoş əhval-ruhiyyəsi də siyasi səbəblərdən hansısa ölkələrin iştirakdan imtina səbəbindən pozula bilər. Belə yanaşmalara ümumən münasibətinizi bilmək istərdim. Soruşmaq istəyirəm ki, belə arzuolunmaz təmayüllərin qarşısını almaq üçün Avropa Şurası nə kimi çağırışlar edə bilər?”
Baş Katib T.Yaqland deputat Rafael Hüseynovla tam şərik olduğunu və onun ədalətli mövqeyini təqdir etdiyini bildirib. O deyib ki, həqiqətən belə hallar müşahidə olunur və mahiyyətcə ölkələri, xalqları daha yaxın etmək məqsədi daşıyan, dostluğa, sülhə xidmət edən tədbirlərin siyasiləşdirilməsi, onlardan siyasi niyyətlərlə istifadə edilməsi düzgün deyil. Avropa Şurasının əsas hədəflərindən biri, əksinə, məhz idmandan, mədəniyyətdən ölkələr, xalqlar arasında əlavə etibarlı körpü kimi istifadəyə yardımçı olmaqdır. “Biz bu qəbildən olan hər təşəbbüsü pisləyirik və Avropa Şurası, öz növbəsində, belə halların aradan qaldırılması üçün səylərini əsirgəməyəcək”,- deyə T.Yaqland qeyd edib.
-
Sosial00:30
“Space" TV-yə geri döndü: "Məbləğin bir qismi ödənildi" - FOTO/VİDEO
-
Qoroskop00:15
Günün ULDUZ FALI: normal imkanlar yaranana qədər gözləyin
-
MDB00:00
Putinə indi məruzə edildi, Şoyquya isə əvvəlcədən deyilib
-
Nida Xəbər 23 Aprel 23:48
Nazirlər Kabinetindən YENİ SİYAHI - Kimlərin adları var?
-
Magazin123 Aprel 23:36
Tünzalə imicini dəyişdi - FOTO
-
MDB23 Aprel 23:12
Şoyqunun müavini SAXLANILDI - Külli miqdarda rüşvət alıb
-
İdman23 Aprel 22:48
Son çempion boşanır: uşaqlıqdan başlayan nağıl bitir
-
Dünya23 Aprel 21:36
Məşhur bloqer helikopterdən bir çanta pulu çimərliyə SƏPƏLƏDİ - VİDEO