• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

Sənaye məhsullarının istehsalçı qiymətləri qalxıb

  • Digər
  • 9 İyul 2015 17:21
  • 415 Baxış
Sənaye məhsullarının istehsalçı qiymətləri qalxıb

May ayında sənaye məhsullarının istehsalçı qiymətləri əvvəlki ayla müqayisədə 9,3 faiz, o cümlədən mədənçıxarma sənayesi üzrə 10,5 faiz, emal sənayesi üzrə isə istehsalçı qiymətləri 2,8 faiz bahalaşıb.

Publika.az xəbər verir ki, cari ilin may ayında mədənçıxarma sənayesi bölməsində istehsalçı qiymətlərində daş, qum, çınqıl, duz və digər mədənçıxarma sənayesi məhsullarının hasilatı üzrə 2,2 faiz ucuzlaşma, xam neft və təbii qaz hasilatı üzrə 10,6 faiz, metal filizlərinin hasilatı üzrə isə istehsalçı qiymətlərində 1,3 faiz bahalaşma müşahidə olunub.

Emal sənayesi bölməsində istehsalçı qiymətləri toxuculuq sənayesi üzrə 1,4 faiz, tikinti məmulatlarının istehsalı üzrə 0,1 faiz ucuzlaşıb. Kimya sənayesi üzrə 14,9 faiz, kompüter və digər elektron avadanlıqların istehsalı üzrə 4,5 faiz, maşın və avadanlıqların istehsalı üzrə 3,9 faiz, neft məhsullarının istehsalı üzrə 3,5 faiz, geyim istehsalı üzrə 2,7 faiz, içki istehsalı üzrə 2,5 faiz, qida məhsullarının istehsalı üzrə 1,8 faiz, ağac emalı və ağacdan məmulatların istehsalı üzrə 1,5 faiz, rezin və plastik kütlə məmulatlarının istehsalı üzrə 0,5 faiz, metallurgiya sənayesi və elektrik avadanlıqlarının istehsalı üzrə 0,2 faiz, tütün məmulatlarının istehsalı üzrə isə istehsalçı qiymətləri 0,1 faiz bahalaşıb.

Ay ərzində elektrik enerjisi, qaz və buxar istehsalı, bölüşdürülməsi və təchizatı, su təchizatı, tullantıların təmizlənməsi və emalı bölmələri üzrə isə heç bir dəyişiklik müşahidə olunmayıb.

İqtisadiyyat şöbəsi

Oxşar xəbərlər

Xəbər lenti

DAHA ÇOX XƏBƏR