Neft borusu zədələndi

Xətai rayonunda boru xəttində yaranmış zədə səbəbindən ətrafa və avtomobil yoluna neft məhsulu dağılıb.

Publika.Az-ın Fövqəladə Hallar Nazirliyinin saytına istinadən verdiyi xəbərə görə, boruda yaranmış sızmanın qarşısı aidiyyəti qurumlar tərəfindən alınıb.

Qəza aradan qaldırılana qədər yanğınsöndürənlər tərəfindən müxtəlif profilaktiki tədbirlər görülüb və yanğın avtomobilləri hadisə yerində növbə çəkib.

Boruda yaranmış sızmanın səbəbləri aidiyyəti qurumlar tərəfindən araşdırılır.

Publika.Az