Çin iqtisadiyyatı FED-i ikiyə böldü

Çin iqtisadiyyatının yavaşlaması nəticəsində birjalarda yaşanan böhran ABŞ Mərkəzi Bankında fikir ayrılıqlarına səbəb olub.

Publika.az xəbər verir ki, ABŞ Mərkəz Bankının (FED) 16-17 sentyabrda reallaşacaq toplantısında faizləri artırıb artırmayacağına dair müəmmalar çoxalır. Dünyanın ən yaxşı bankirlərinin və alimlərinin bir araya gəldiyi 2 günlük “Jackson Hole” zirvəsində də FED-in hansı qərarı verəcəyinə dair bir mesaj verilmədi. Düzdür, toplantıda FED üzvləri müəyyən eyhamlar vurdular. Ancaq mesajların hamısı qarışıq idi. Belə ki, FED-in bəzi üzvləri bildirib ki, bazarlardakı dalğalanmaya 2008-ci ildən bu yana həyata keçirilən geniş pul siyasətləri səbəb olub. Bəziləri isə hazırkı vəziyyətin inflyasiyanın aşağı qalacağına işarə olduğunu, müdaxilənin iqtisadiyyata zərbə vura biləcəyini deyiblər.

İqtisadiyyat şöbəsi