• USD 1,7339 0,00% EUR 1,8297 -1,20%
    • GBP 2,2001 +0,65% RUB 0,0270 -0,74%

Metropoliten sərnişindaşımadan 32 milyon manat əldə edib

  • Digər
  • 21 Oktyabr 2015 17:10
  • 614 Baxış
Metropoliten sərnişindaşımadan 32 milyon manat əldə edib

İlin əvvəlindən Bakı Metropoliteni sərnişindaşınmadan 32 milyon 480 min manat vəsait əldə edib.

Publika.az Dövlət Statistika Komitəsinin (DSK) bu ilin 9 ayının yekunu ilə bağlı rəqəmlərinə istinadən bildirir ki, metronun xidmətindən 162,4 milyon nəfər istifadə edib. Hesablamalarımıza görə, bu o deməkdir ki, nəticədə sərnişindaşımadan 32 milyon 480 min manat toplanıb.

Xatırladaq ki, yanvar-iyul aylarında metronun xidmətindən 128,7 milyon nəfər istifadə edib.

Məlumat üçün bildirək ki, 2014-cü ildə metrodan 215 milyon, 2013-cü ildə 206 milyon sərnişin istifadə edib. Statistika göstərir ki, metrodan istifadə edənlərin sayı 2008-ci ildən artmağa başlayıb.

O ki qaldı sərnişindaşımadan əldə olunan gəlirlərə, DSK-nın məlumatına görə, 2014-cü ildə bu rəqəm 42 milyon 519 min manat olub. Bu da əvvəlki illə müqayisədə 285 min manat azdır.

Metronun xərclərinə gəlincə, 2011-ci ildən artmağa başlayıb. Konkret olaraq 2013-cü ildə 110 milyon 501 min manat, 2014-cü ildə 99 milyon 252 min manat olub.

İqtisadiyyat şöbəsi

Oxşar xəbərlər

Xəbər lenti

DAHA ÇOX XƏBƏR