Digər
Heydər Əliyev Mərkəzində “Vera məhəlləsinin musiqiləri” müzikli təqdim olunub
Bakıda Heydər Əliyev Mərkəzində Gürcüstanın kino və
teatr ulduzlarının iştirakı ilə "Vera məhəlləsinin musiqiləri"
("Melodies of Vera District") müzikli Azərbaycan tamaşaçılarına
cümə günü təqdim olunub.
Tamaşada tanınmış ictimai xadimlər, mədəniyyət və incəsənət,
diplomatik missiyaların nümayəndələri olublar.
1973-cü ildə Georgi Şenqelayanın quruluşunda lentə alınmış,
musiqili komediya janrında olan "Vera məhəlləsinin musiqiləri"
bədii filmi Gürcüstan və onun hüdudlarından kənarda böyük şöhrət
qazanıb.
Ölməz musiqi komediya - yeni interpretasiya alıb. Həmin filmin
motivləri əsasında hazırlanan müziklə isə fransız rejissoru və
xoreoqrafı Reda Bentifora quruluş verib.
Məşhur müziklin mahnıları da dirijor - Nikoloz Raçvelinin müasir
təfsirlərinə görə, məhz yeni səslənmə alıblar. Dramaturgiya,
musiqi, ifaçılıq sənəti, xoreoqrafiya və xüsusi effektlərin
bir-biri ilə mükəmməl vəhdət təşkil etdiyi səhnə əsəri Bakı
tamaşaçılarına maraqlı anlar yaşadıb. Qeyd edək ki, Gürcüstanda bu
müziklin 25 təqdimatı anşlaqla keçirilib.
Müzikldə Gürcüstanın xalq artisti, məşhur kino aktyoru və estrada
müğənnisi Vaxtanq Kikabidze, tanınmış sənət adamlarından Sofiya
Nijaradze, Nodiko Tatişvili, Stefan Ketato, həmçinin Z.Paliaşvili
adına Gürcüstan Dövlət Opera və Balet Teatrının, İ.Suxişvili adına
Gürcüstan Xalq Rəqsləri Ansamblının solistləri çıxış ediblər.
Bayram gecəsinin sonunda Gürcüstanın xalq artisti Vaxtanq
Kikabidze, tanınmış sənət adamı Sofiya Nijaradze çıxış edərək
Azərbaycanı çox sevdiklərini, paytaxt Bakının gündən-günə
gözəlləşdiyini və Heydər Əliyev Mərkəzinə heyran olduqlarını
bildiriblər.
"Vera məhəlləsinin musiqiləri" müzikli Azərbaycan paytaxtının
mədəni həyatında əlamətdar hadisə olub və teatrsevərlərin
yaddaşında uzun müddət qalacaq. /Trend/
-
Kriminal18:12
Tulin Ələkbərovanın sevgilisi tərəfindən döyülməsi faktı araşdırıldı: nəticə... - VİDEO
-
Kriminal17:32
Faciəvi şəkildə ölən tələbənin ailəsi məhkəməyə getməkdən imtina etdi - FOTO
-
Nida Təhlil 17:11
İrəvan “Krokus”la bağlı bəyanatı rədd etdi: Kreml necə cəzalandıracaq?
-
Sosial16:58
Bu avtomobillərlə taksi fəaliyyəti göstərmək qadağan edildi
-
Sosial16:36
Azərbaycanda sayğaclar ikiqat hesablayır - ŞOK İDDİA
-
Sosial16:08
Əli Əsədov yeni qərar imzaladı
-
Rəsmi xronika14:51
İlham Əliyev bu qanunu təsdiqlədi
-
Nida Xəbər 14:26
Yeni Kaledoniyada Azərbaycan bayrağı qaldırıldı