Lənkəranda orta məktəbdə mina həyəcanı

Məktəbdə mina həyəcanı: müəllim və şagirdləri binadan təxliyə edildi

Lənkəran rayonu Nərimanabad qəsəbəsində yerləşən Elman Məmmədov adına tam orta məktəbdə təlim məqsədli tank əlehinə minanın təhlükəli olduğu müəyyən edilib.

Publika.Az-ın Fövqəladə Hallar Nazirliyinin saytına istinadən verdiyi xəbərə görə, dərhal Nazirliyin xilasediciləri və mütəxəssisləri lazımi tədbirlərin görülməsi üçün hadisə yerinə cəlb edilib, aidiyyəti qurumlar məlumatlandırılıb.

Nazirliyin mütəxəssisləri 187 şagird, 32 müəllim və 16 texniki işçini məktəb binasından təxliyyə etmiş və ərazidə müvafiq təhlükəsizlik tədbirləri görüb. Əməliyyat saat 14:13-də başa çatıb.

Publika.Az