ABŞ səfiri işlətdiyi ifadələrə görə XİN-ə çağırılıdı

ABŞ-ın Azərbaycandakı fövqəladə və səlahiyyətli səfiri Riçard Morninqstar Azərbaycan Xarici İşlər Nazirliyinə çağırılıb.

Publika.az Xarici İşlər Nazirliyindəki mənbəyə istinadən xəbər verir ki, səfirlə söhbət zamanı ona “Azadlıq” radiosuna müsahibəsində işlətdiyi bəzi ifadələrin narahatlıq yaratdığı bildirilib. Morqinstara irad tutulub ki, Azərbaycanın daxili işlərinə qarışmağın əksini tapdığı fikirlərə yol verilməsi qeyri-məqbuldur.

Səfirin diqqətinə çatdırılıb ki, bu kimi addımlar həm iki ölkə arasında münasibətlərin ruhuna, həm də diplomatik fəaliyyət normalarına uyğun deyil.