Prezident İlham Əliyev sərəncam imzaladı

Prezident İlham Əliyev "Dövlət rüsumu haqqında" Azərbaycan Respublikasının Qanununda dəyişikliklər edilməsi barədə" 2014-cü il 16 may tarixli qanunun tətbiqi haqqında sərəncam imzalayıb.

Dəyişikliklərə əsasən, qanunun 14.8.1-ci maddəsi aşağıdakı redaksiyada verilir:


14.8.1. Yetkinlik yaşına çatmış əcnəbilərə və vətəndaşlığı olmayan şəxslərə Azərbaycan Respublikasının ərazisində müvəqqəti yaşamaq üçün icazə vəsiqəsinin verilməsinə və müddətinin uzadılmasına görə:


14.8.1.1. 3 ayadək


30 manat


14.8.1.2. 6 ayadək


60 manat


14.8.1.3. 1 ilədək


120 manat


14.8.1.4. 1 il 6 ayadək


180 manat


14.8.1.5. 2 ilədək


240 manat


14.8.1.6. 2 il 6 ayadək


300 manat


14.8.1.7. 3 ilədək


360 manat


Aşağıdakı məzmunda 14.8.1-1-ci və 14.8.1-2-ci maddələr əlavə edilir:


14.8.1-1. Yetkinlik yaşına çatmayan əcnəbilərə və vətəndaşlığı olmayan şəxslərə Azərbaycan Respublikasının ərazisində müvəqqəti yaşamaq üçün icazə vəsiqəsinin verilməsinə və müddətinin uzadılmasına görə:


14.8.1-1.1. 3 ayadək


15 manat


14.8.1-1.2. 6 ayadək



30 manat

14.8.1-1.3. 1 ilədək

60 manat

14.8.1-1.4. 1 il 6 ayadək


90 manat


14.8.1-1.5. 2 ilədək


120 manat


14.8.1-1.6. 2 il 6 ayadək



150 manat


14.8.1-1.7. 3 ilədək


180 manat


14.8.1-2. Azərbaycan Respublikasının ali və orta ixtisas təhsili müəssisələrində əyani formada təhsil alan əcnəbilərə və vətəndaşlığı olmayan şəxslərə Azərbaycan Respublikasının ərazisində müvəqqəti yaşamaq üçün icazə vəsiqəsinin verilməsinə və müddətinin uzadılmasına görə:


14.8.1-2.1. 1 illik


40 manat


14.8.1-2.2. 2 illik (müvəqqəti yaşamaq üçün icazə vəsiqəsinin müddəti uzadıldıqda)


80 manat


14.8.2-ci maddənin əvvəlinə "Yetkinlik yaşına çatmış əcnəbilərə və vətəndaşlığı olmayan şəxslərə" sözləri əlavə edilir.

Aşağıdakı məzmunda 14.8.2-1-ci maddə əlavə edilir:


14.8.2-1. Yetkinlik yaşına çatmayan əcnəbilərə və vətəndaşlığı olmayan şəxslərə Azərbaycan Respublikasının ərazisində daimi yaşamaq üçün icazə vəsiqəsinin verilməsinə və müddətinin uzadılmasına görə


150 manat


14.15-ci maddə aşağıdakı redaksiyada verilir:


14.15. Yetkinlik yaşına çatmış əcnəbilərə və vətəndaşlığı olmayan şəxslərə ölkədə müvəqqəti olma müddətinin uzadılması barədə qərarın verilməsinə görə:


14.15.1. 30 günədək


30 manat


14.15.2. 60 günədək


60 manat

Aşağıdakı məzmunda 14.15-1-ci maddə əlavə edilir:


14.15-1. Yetkinlik yaşına çatmayan əcnəbilərə və vətəndaşlığı olmayan şəxslərə ölkədə müvəqqəti olma müddətinin uzadılması barədə qərarın verilməsinə görə:


14.15-1.1. 30 günədək


15 manat

14.15-1.2. 60 günədək


30 manat


18.58-ci maddə aşağıdakı redaksiyada verilir:

"18.58. Azərbaycan Respublikasının ərazisində haqqı ödənilən əmək fəaliyyəti ilə məşğul olmaq üçün əcnəbilərə və vətəndaşlığı olmayan şəxslərə iş icazəsinin verilməsinə və müddətinin uzadılmasına görə:

18.58.1. 3 ayadək - 350 manat;

18.58.2. 6 ayadək - 600 manat;

18.58.3. 1 ilədək - 1000 manat.".

Nazirlər Kabinetinə Azərbaycan Respublikası qanunlarının və Azərbaycan Respublikası Prezidentinin aktlarının "Dövlət rüsumu haqqında" Azərbaycan Respublikasının Qanununda dəyişikliklər edilməsi barədə" qanuna uyğunlaşdırılması ilə bağlı təkliflərini üç ay müddətində hazırlayıb Azərbaycan Prezidentinə təqdim etmək; Nazirlər Kabinetinin normativ hüquqi aktlarının həmin qanuna uyğunlaşdırılmasını üç ay müddətində təmin edib Azərbaycan Prezidentinə məlumat vermək; mərkəzi icra hakimiyyəti orqanlarının normativ hüquqi aktlarının həmin qanuna uyğunlaşdırılmasını nəzarətdə saxlamaq və bunun icrası barədə beş ay müddətində Azərbaycan Prezidentinə məlumat vermək; həmin qanundan irəli gələn digər məsələləri həll etmək tapşırılıb.

Ədliyyə Nazirliyi mərkəzi icra hakimiyyəti orqanlarının normativ hüquqi aktlarının və normativ xarakterli aktların "Dövlət rüsumu haqqında" Azərbaycan Respublikasının Qanununda dəyişikliklər edilməsi barədə" qanuna uyğunlaşdırılmasını təmin edib Nazirlər Kabinetinə məlumat verməlidir.