Rusiya təhlükəsi NATO-nu hərəkətə keçirdi: MÜHARİBƏ

Avropaya doğru genişlənən Rusiya təhlükəsi NATO-nu hərəkətə keçirdi.

Publika.az xəbər verir ki, NATO mümkün Rusiya təhlükəsinə qarşı öz strateji xəttində dəyişikliklər etmək qərarına gəlib. NATO-nun Baş katibi Anders Foq Rasmussen Brüsseldəki müdafiə nazirləri konfransında alyansın hərbi təcavüzlərə daha da sürətli, çevik reaksiya verə biləcək hala gətiriləcəyini deyib.

Almaniyanın müdafiə naziri Ursula Von Der isə Rusiyanın Krımı işğal etməsindən sonra NATO-nu Şərqi Avropanın hava sərhədlərini qorumaq üçün əlavə tədbirlər görməyə çağırıb. O qeyd edib ki, NATO üzvü olan Polşa, Baltik ölkələri və Ruminiya Rusiyanın mümkün hərbi təcavüz ehtimalından narahatdılar.

Buna cavab olaraq Baş katib Rasmussen bildirib ki, Rusiya Avropadakı sərhədləri təcavüz yolu ilə dəyişdirmək niyyətindədir:

“Buna hazırlıqlı olmaaq üçün NATO birliklərinin çevik reaksiya qabiliyyətini və hərbi avadanlığını modelləşdirməyə çalışacağıq”

Oral Mədənçi