• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

Putin onlara yaşıl işıq yandırdı – 50 "vor zakon" qayıtdı

  • Digər
  • 7 İyun 2014 08:13
  • 2 834 Baxış
Putin onlara yaşıl işıq yandırdı – 50 "vor zakon" qayıtdı

Soçi olimpiadası ilə bağlı qoyulan qadağa aradan qaldırıldıqdan sonra ölkəni tərk etmiş 50 “vor zakon” Rusiyaya geri qayıdıb.

Belə ki, olimpiada öncəsi xüsusi xidmət orqanları kriminal dünyanın “generalları”na sakitliyi qorumağı və Rusiyanı tərk edib bir müddət başqa ölkələrdə “dincəlməyi” məsləhət bilmişdi. Xəbərdarlıq edilmişdi ki, “məsləhət”i qulaqardına vuran avtoritetlər ən bəsit bəhanə ilə həbsə atılaraq uzunmüddətli cəza alacaqlar. Dövlət üçün köhnə işləri qurdalayıb nəsə yeni epizodlar tapmaq çox asan məsələdir.

Buna görə “qanuni oğru”ların əksəriyyəti yarışlar başlamamışdan Avropa ölkələrinə dağılışdılar. Vətəndə qalan azsaylı avtoritetlər isə fəaliyyətlərini donduraraq xüsusi xidmət orqanlarının nəzərini cəlb etməməyə çalışdılar.

Olimpiada başa çatan kimi oğrulara qoyulmuş qeyri-rəsmi qadağa aradan götürülüb. Avropada olan avtoritetlərin çoxu artıq Rusiyaya qayıdıb.

Avtoritetlərin qayıtması ilə aprel ayından indiyənədək bir neçə oğru “sxodka”sı (toplantı) keçirilib. Bunlardan biri haqda məlumat vermişdik. Həmin “sxodka”da “Timoxa” ləqəbli “qanuni oğru”nun məsələsi müzakirə olunmuşdu. Nəticə olaraq “Timoxa” bu yaxınlarda güllələndi.

Digər bir oğru toplantısını isə “Volçok” ləqəbli Sergey Volkov keçirib. Slavyan oğruların “sxodka”da Yuri Piçuqin (ləqəbi Piçuqa) və Vasiliy Xristoforov ( Vasya Voskres) kimi avtoritetlər iştirak edib. Müzakirələr zamanı toplaşanlar Rusiyanin hazırda ən tanınmış və qocaman mafioz Aleksandr Severovu (ləqəbi Saşka Sever) oğru titulundan məhrum etmək haqda qərar çıxarıblar. Bunu onunla izah ediblər ki, “Sever” oğru qanunlarını pozaraq telekanallara müsahibə verib. Həmçinin jurnalistlərə oğru “obşak”ından (kassa) pul ayırıb.

“Sxodka”da çıxan qərar haqqında digər oğrulara məlumat verilib və deyilib ki, onlar artıq “Saşka Severi” “vor zakon” kimi qəbul etməməlidirlər.

Son vaxtlar regionlarda nüfuzunu böyüdən “Edik Osetrina” də tez-tez “sxodka”lar keçirir. Onun klanına Viktor Pantyuşin (ləqəbi Pan), Elqudja Turkadze (Qudja), Vladimir Ozerski (Zizya), Oleq Muxemetaşin (Muxa) kimi avtoritetlər daxildir. “Osetrina” həmçinin çeçen avtoritet İslam Edelqireyevlə çox yaxın əlaqələr qurub.

Hesab edilir ki, yaxın vaxtlarda bu klan Rusiya kriminalitetində ən güclü təşkilat olacaq.

İlqar Atabəyli

Oxşar xəbərlər

Xəbər lenti

DAHA ÇOX XƏBƏR