Digər
KQB homoseksuallardan necə istifadə edirdi? - Gizli əməliyyat
Soyuq müharibə dövründə dünyanın ən qorxunc təşkilatı - KQB gey və lezbiyanların xidmətindən geninə-boluna istifadə edirdi. Xüsu xidmət orqanlarına homoseksual agentlər vacib idi.
Soyuq müharibə dövründə dünyanın ən qorxunc təşkilatı KQB gey
və lezbiyanların xidmətindən geninə-boluna istifadə edirdi. Xüsusi
xidmət orqanlarına homoseksual agentlər vacib idi.
Soyuq müharibə dövründə dünyanın ən qorxunc təşkilatı KQB gey
və lezbiyanların xidmətindən geninə-boluna istifadə edirdi. Xüsusi
xidmət orqanlarına homoseksual agentlər vacib idi.
O vaxt SSRİ-nin cinayət məcəlləsində 121-ci maddə vardı. Uşaqbazlıq
maddəsilə həbs olunanlar 5 ilədək həbs cəzası alırdı. KQB ilə
əməkdaşlıq etməyə razı olanlar isə həm həbsdən yaxasını qurtarırdı,
həm də istədiyi qədər homoseksual münasibətlərdə ola bilirdi. Belə
qüdrətli himayəçi olan yerdə kim onlara toxuna bilərdi? Ancaq
agenturaya hər geyi cəlb etmirdilər. Yaraşıqlı xarici görkəm və
düşüncə qabiliyyəti başlıca şərt idi.
Gecə əyləncələri
Sovet İttifaqına gələn əcnəbi siyasətçilərin, jurnalistlərin, iş
adamlarının arasında xeyli homoseksual olurdu. Onları hər zaman
kameraya çəkmək olmur, həm də əcnəbilər sovetlər ölkəsinə gələrkən
ehtiyatlı olmaları barədə instruktaj edilirdi.
KQB veteranı, yazıçı Mixail Lyubimov müsahibələrinin birində sovet
gey-agenturasının iş metodları barədə danışmışdı: “KQB hətta
xaricdə belə geylər üçün xüsusi əyləncə gecələri təşkil edirdi.
Belə tədbirlərin keçirilməsi üçün xeyli pul ayrılırdı. Bəs necə,
təsəvvür edin, Fransada əyləncə gecələrinin birində agenturamız
Britaniya Hərbi Dəniz Qüvvələrinin zabiti Oskar Vasseli əməkdaşlığa
cəlb edə bildilər. Əvvəlcə Vassel dirəniş göstərdi. Ancaq ona bizim
gey agentimizlə yataq şəkillərini göstərdikdən sonra əməkdaşlığa
razılıq verdi. Bilirdi ki, əks təqdirdə bu şəkillər onun
komandanlığına, qohumlarına göndəriləcək. Bundan sonra Vassel düz 9
il KQB-yə çox qiymətli məlumatlar göndərdi”.
Digər KQB veteranı isə memuarlarında yazır ki, homoseksual kontakt
üçün yalnız gey agenturadan istifadə edilmirdi. KQB məktəblərində
gələcəyin kəşfiyyatçılarına öz bədənini idarə etməyi, seksual
kontakta girməyi, izlənilən, maraq doğuran əcnəbiləri necə
seks-tələyə salmağın yolları öyrədilirdi. Bu o demək deyildi ki,
zabitlərdən öz seksual oriyentasiyasını dəyişmək tələb olunur.
Sadəcə, real iş zamanı kəşfiyyatçı istənilən situasiyaya hazır
olmalı idi. Lazım gəlsə, vətən üçün homoseksual kontakta da getmək
olardı.
Leyborist əməliyyatı
Tom Drayberq Böyük Britaniya Parlamentinin leyboristlər
partiyasının 1949-cu ildən 1974-ci ilədək üzvü, tanınmış jurnalist
idi. Ölkəsində çox məşhur olan bu şəxsin “zəif damar”ı haqda
ətraflı məlumatlar vardı. Qalırdı bircə onu “verbovka” etmək.
1956-cı ildə Drayberq növbəti dəfə Moskvaya simpoziuma gəlir. Axşam
vaxtı şəhərə gəzməyə çıxan Tom “Metropol” mehmanxanasının
arxasındakı küçədə gəzişir. Bu vaxt onun nəzərini küçədəki ictimai
ayaqyolu cəlb edir. Ayaqyoluna girəndə Drayberq tualetdə sevişən
mavi cütlükləri görür. Çox keçmədən ingilis yaraşıqlı bir mavi ilə
tanış olur. Bir neçə gün dalbadal bu gənclə “unudulmaz gecə”
keçirən Tom Britaniyaya qayıtdıqda sovet KQB-si tərəfindən şantaj
olunur. Ona sevişdiyi gənclə yataq fotolarını göstərirlər.
Beləliklə, Drayberq əməkdaşlıq etməyə razı olur. Ona “Lepaj” kod
adı verilir.
Məhz bundan sonra Drayberq Britaniya Parlamentində atom silahının
yayılmaması, ləğv edilməsi istiqaməntində çıxışlar edir. “Bütün
dünyada sülhün qoruması” ideyasını dəstəkləyən ən fəal
siyasətçilərdən olur. Əlbəttə ki, KQB-nin təlimatı ilə.
Abşeron mehmanxanasında kef məclisi
Əcnəbiləri homoseksual kontakt vasitəsilə əməkdaşlığa cəlb etmək
əməliyyatları Bakıda da keçirilirdi. 80-ci illərdə Azərbaycan
paytaxtına neft sahəsində ixtisaslaşmış xeyli əcnəbi mütəxəssis
gəlirdi. Onlardan biri, amerikalı gənc alim kəşfiyyatçıların
diqqətini cəlb etmişdi. Azərbaycan KQB-si amerikalını tovlamaq üçin
“İrakli” kod adlı agenti təlimatlandırır. Bulvarda tanış olan
cütlük “dincəlmək” üçün “Abşeron” mehmanxanasına gəlir. Burada
“İrakli” amerikalını Şamaxı çaxırına qonaq edir. Yaxşıca
şənlənirlər. Səhər tezdən ayılan amerikalı “İraklini” yatağında
tapmır. Br az keçmiş KQB əməliyyatçıları nömrəyə daxil olur və
onunla “söhbət” aparırlar. Amerikalıya yataq fotoşəkilləri,
həmçinin video çəkiliş göstərilir. Razılaşmaqdan başqa əlacı
olmayan amerikalı 90-cı illərin əvvəlləri, yəni SSRİ dağılanadək
sovet kəşfiyyatı ilə əməkdaşlıq edir.
Mavi desant
KQB mavilərlə əməliyyatı təkcə SSRİ ərazisində keçirmirdi. Kubadan
keçməklə Amerikaya yüzlərlə gey-agent göndərilirdi. Agentlər
Amerikada “Venseromos” adlı sol təmayüllü təşkilat yaratmışdılar.
Kuba prezidenti Fidel Kastro çıxışlarında daim “Venseromos”
təşkilatını dəstəkləyir, onları Amerikada sülhün dayaqları
adlandırırdı. Ancaq Sovet rəhbərliyi ilə şəxsi söhbətlərdə
şikayətlənirdi ki, ABŞ-dakı solçu qrupların üzvlərinin əksəriyyəti
ya narkomandı, ya mavi. Normal adam yoxdu. Fidel anlamamışdı ki,
Amerika cəmiyyətini içəridən çürütmək istəyən KQB düşmən dövlət
ərazisində mavilərin, lezbiyanların, narkomanların çoxalmasında
maraqlıdır. Odur ki ABŞ-a göndərilən “mavi desant”ın ardı- arası
kəsilmirdi.
İlqar Atabəyli
Oxumağa davam et
-
Rəsmi xronika14:51
İlham Əliyev bu qanunu təsdiqlədi
-
Nida Xəbər 14:26
Yeni Kaledoniyada Azərbaycan bayrağı qaldırıldı
-
Magazin113:31
Tolik pərt etdi: "Bu da liftdə öpüşən Sabir" - VİDEO
-
Magazin112:56
Xalq artistindən valideynlərə və müəllimlərə MÜRACİƏT - VİDEO
-
Ekologiya12:31
Sabaha olan hava PROQNOZU - 20 dərəcə isti
-
Cənubi Qafqaz12:01
Paşinyan Şahramanyana cavab verdi - İrəvanda “mühacir hökumət” davası
-
Hadisə11:46
Ağdərədə qumbaraatan tapıldı - FOTO
-
İdman11:06
"Qarabağ"ın futbolçusu Fransa klubu ilə anlaşdı - FOTOFAKT