Digər
Əli Abbasov iranlı nazirə görün nə hədiyyə etdi - VIDEO
Rabitə və Yüksək Texnologiyalar naziri Əli Abbasov İrana rəsmi səfər edib.
Səfər İranın Rabitə və İnformasiya Texnologiyaları naziri Mahmud
Vaizinin dəvəti ilə baş tutub. İki günlük səfər zamanı tərəflər
rabitə və informasiya texnologiyaları haqqında mövcud əməkdaşlığın
artırılması və əməkdaşlığın gələcək prespektivləri məsələləri
müzakirə edilib.
Səfərin birinci günündə tərəflər iki ölkənin özəl sektorları
arasında əməkdaşlığın artırılması, radio və televiziya sahəsində
beynəlxalq aləmdə əlaqələrin genişləndirilməsi, informasiya
təhlükəsizliyinin təmini ilə bağlı məsələləri müzakirə ediblər.
Tərəflər Azərbaycan, İran, Turkiyə və Qırğızıstan arasında təcili
pul köçürmə sistemlərinin təşkilini də aydınlaşdırıblar. İlin
sonunadək iki ölkənin poçt rabitəsi sahəsində əməkdaşlıq haqqında
sazişin imzalanacağı gözlənilir.
İranın Rabitə və İnformasiya Texnologiyaları naziri Mahmud Vaizi
bildirib ki, "Səfər çərçivəsində biz müxtəlif iki tərəfli və
regional məsələləri müzakirə edib, danışıqlar aparırıq. Digər
tərəfdən razılaşdıq ki, iki ölkə arasında müştərək komissiyanın
gələcək iclasını avqustun 13 və 14-də Bakıda keçirək”.
Rabitə və Yüksək Texnologiyalar naziri Əli Abbasov qeyd etdi ki,
"Azərbaycan və İran böyük neft-qaz ehtiyatlarına malikdir və
onların iqtisadiyyatı müəyyən qədər təbiət sərvətlərdən asılıdır.
Hər iki ölkənin gələcəkdə əsas perspektivi olan yüksək texnologiya
istiqamətində bizim fikirlərimiz və arzularımız üst-üstə
düşür".
Qeyd edək ki bu səfər çərçivəsində rabitə və yüksək texnologiyalar
naziri Əli Abbasovun İranın Elm, Tədqiqat və Texnologiya naziri Rza
Fərəci Dananla da görüşü oldu. Əli Abbasov Azərbaycanda istehsal
olunan AzPad planşetini İranlı həmkarına hədiyyə etdi.
Həmçinin səfərin ilk günündə “İran-Azərbaycan: Yüksək
Texnologiyaların Biznes Forumu” da keçirildi.
Forum hər iki tərəfi təmsil edən sahibkarlar arasında rabitə və
yüksək texnologiyalar sahəsində səmərəli əməkdaşlığın qurulması
məqsədi daşıyır. /Ans tv/
-
İdman17:06
"Qarabağ"ı yıxan futbolçu İstanbul nəhənginin hədəfində
-
Sosial16:36
Güclü külək əsəcək, çaylardan sel keçəcək - XƏBƏRDARLIQ
-
Magazin116:11
Zülfiyyə Aşıq Tellini biabır etdi: “Restoranda yeyir, sonra da...”
-
Sağlamlıq15:41
Marketlərdə satılan bu yuyucu tozlar XƏRÇƏNG YARADIR
-
Nida Xəbər 15:11
Təsdiqləndi: Bu şəxslərin MAAŞI ARTIRILDI - MƏBLƏĞLƏR
-
Dünya14:08
Makronla Silvanın romantik pozaları gündəmi silkələdi - FOTO
-
Sosial13:47
Bu şəxslər pensiyaya 5 il erkən çıxacaq
-
Yaxın Şərq13:16
Mahmud Abbas ermənini nazir təyin etdi - FOTO