Fələstinli əsirlər zorla soyunduruldu (FOTO)

İsrail ordusunun Qəzzada həyata keçirdiyi hərbi əməliyyatlarda əsir tutduğu fələstinliləri təhqir etdiyini göstərən görüntülər yayılıb.

ANS PRESS-in məlumatına görə, çox saylı fələstinlini zorla soyundururaq səhrada oturmağa və qaçmağa məcbur edən israillilərin bu hərəkəti İsrail mətbuatı tərəfindən də kəskin tənqid olunub.

Məlumata görə, Qəzzada saxlanılan 150 fələstinlinin yarısı sərbəst buraxılıb.

Qeyd edək ki, İsrail ordusu Qəzzada BMT-nin nəzdində fəaliyyət göstərən bir məktəbə raket zərbəsi endirib. Nəticədə çoxunun uşaq olduğu 13 nəfər ölüb, 100-dən çox adam yaralanıb.