Müharibə qadın əsgəri bu hala saldı - FOTOLAR

İraqda hərbi xidmət edən kapral Hanna Kempel minaatandan açılan atəş nəticəsində ölümcül zədələnib. Atəş nəticəsində qadın bir gözündən kor olub, sol əli iki hissəyə parçalanıb, sol ayağı isə amputasiya edilib. Eyni zamanda, atəş hərbçi qadının daxili orqanlarını da zədələyib. Bundan sonra Hanna hətta ürək tutması da keçirib.

Belə zədədən sonra bir çoxları əvvəlki həyata qayıtmaq üçün mübarizə aparır. Lakin bəzi hərbçilər isə müharibə zonasından qayıtdıqdan sonra həyatın vurduğu zərbələrə dözməyərək intihar edir. Hanna üçün intihar və ya təslim olmaq kimi fikirlər yaddır. O, həkimlərin köməkliyi ilə özünü yenidən bərpa edə bilib.

30 yaşlı hərbçi qadın normal həyata qayıtmaq üçün protez ayaq, tatu, botoks, mədə əməliyyatı, qarın piylərinin əridilməsi əməliyyatı keçirdib. O hətta sinəsini böyütmək üçün iki dəfə əməliyyat keçirməyə də razılaşıb. Bütün bunlara Hanna 87 min dollar xərc çəkib. Müdafiə Nazirliyi kompensasiya kimi Hannaya 630 min dollar ödəyib.

2007-ci ildə İraqın Bəsrə şəhərində yaralanan Hanna müalicə aldıqdan sonra kökəlməyə başlayıb. Hələ bu azmış kimi müalicə nəticəsində Hanna saçlarını da itirməyə başlayıb. Bu səbəbdən o, saçlarına da 7 min dollar xərc çəkib.

Üzündəki çapıq və yaraları gizlətmək üçün Hanna üzünü də daimi makiyaj etdirməli olub. Onun əvvəlki münasibətlərindən bir qızı var. Zədə aldıqdan sonra həkimlər ona heç zaman hamilə qala bilməyəcəyini deyib. Lakin buna baxmayaraq, 6 ay bundan qabaq Hanna dünyaya uşaq gətirib.

Nura