Kataloniya parlamenti referendum qərarı qəbul etdi

İspaniyanın Kataloniya muxtar vilayətinin parlamenti referendum haqqında qanunu qəbul edib.

Publika.az-ın xarici mətbuata istinadən verdiyi məlumata görə, Kataloniyada müstəqillik referendumu 9 noyabrda keçiriləcək.

Kataloniya parlamentində referendum barədə qərarı 106 deputat dəstəkləyib, 28-i isə qarşı çıxıb. Qərara görə, ümumxalq sorğusunu çağırmaq hakimiyyət orqanlarının təşəbbüsü, həmçinin təşəbbüs qrupunun ilə mümkün olacaq. Təşəbbüs qrupunun isə 50 min imza toplaması tələb olunur.

Referendumda xaricdə yaşayan kataloniyalılar, həmçinin muxtariyyətdə 3 ildən artıq daimi yaşayan əcnəbilər iştirak edə biləcək.

Yerli hakimiyyətin fikrincə, rəsmi Madridin razılığı olmadan ümumxalq sorğunu keçirmək mümkündür. İspan hakimiyyəti isə referendumu qeyri-qanuni hesab edir.

Ömər Dağlı