Digər
Amerika Xarici Siyasət Şurası: “Erməni tərəfi Azərbaycanın hərbi imkanlarını zəif görür”
Amerika Xarici Siyasət Şurasının aparıcı tədqiqatçısı E. Veyn Merri hesab edir ki, nə Azərbaycan, nə də Ermənistanda növbəti müharibənin necə olacağına dair real təsəvvür yoxdur. Ekspertin sözlərinə görə onlar öz qabiliyyətlərini həqiqətdə olduğundan daha güclü, qarşı tərəfinkini isə olduqca zəif görürlər. Publika.Az xəbər very ki, Merri “Amerikanın səsi”nə müsahibəsində habelə Azərbaycan hökumətinin onun ölkəyə gəlişinə qoyduğu qadağanı dəyərləndirib.
- Cənab Merri, son həftələrdə Azərbaycan və Ermənistan
hərbi qüvvələri arasındakı təmas xəttində toqquşmalar
intensivləşib. Bu növ toqquşmalar keçmişdə də olub. Bu dəfə baş
verənlər fərqlidirmi? Narahatlığa əsas varmı?
-Təbii ki, Dağlıq Qarabağ, işğal edilmiş ərazilər ətrafındakı
həssas təmas xətlərində atışmaların baş verməsi həmişə narahatlığa
əsas verir. Bu dəfənin fərqli olduğunu deyə bilmərəm. Bu məsələdə
mən azacıq sinik oluram Keçmişdə Azərbaycan və Ermənistan
rəhbərliyi arasında görüşlər planlaşdırılanda, yaxud diplomatik
proqresə işarələr seziləndə təmas xəttində atışmalar baş verib.
Fikrimcə diplomatlar artıq buna adət ediblər. Ümid edirəm ki, bu
toqquşmalar bir sözlə desək mütəmadi xarakter daşıyır. Mən bu sözü
işlətməyi xoşlamıram. Belə ki, hər dəfə atəşkəs pozulanda təkcə
gənc əsgər deyil, mülki vətəndaşlar da həyatlarını itirir, yaxud
yaralanırlar. Buna isə bəraət qazandırıla bilməz.
- Siz Cənubi Qafqazda təhlükəsizliyə dair çox
yazmısınız. Azərbaycan və Ermənistan silahlı qüvvələriin döyüş
qabiliyyətlərini dəyərləndirmisizniz. Sizcə Azərbaycan və
Ermənistan arasında növbəti müharibə necə görünərdi?
-Əlbəttə ki, bu, 20 il əvvəlki müharibəyə oxşamazdı. O müharibə
əsasən piyada qüvvələrinə əsaslanırdı. Bir az zirehli texnika,
artilleriya və hava qüvvələrindən istifadə olunmuşdui. Bu dəfəki
müharibə intensiv sursat müharibəsi ola bilər. Hər iki tərəfdə
nəhəng yüksək texnologiyalı sursat ehtiyatları cəmləşib. Hər iki
tərəf piyadalara qənaət etmək üçün bir-birlərini uzaqdan vurmağa
çalışacaqlar. Amma piyadaları işə salmadan döyüşü bitirmək
çətindir. Ona görə də əsl sual bu olacaq ki, tərəflər yeni
müharibədə hansı məqsədə nail olmağa can atacaqlar. Mümkündürmi ki,
onlar bir–birlərinə bomba atmaqla xarici qüdrətlərin məsələyə
qarışmasına ümid edəcəklər? Yoxsa, bir tərəf çalışacaq ki,
müharibəni hərbi sonluğa çatdırsın. Müharibəni udmaq üçün konflikti
eskalasiya etdirməyə ehtiyac yarana bilər. Bu da ki, qarşı tərəfin
ərazisini tutmağı, cəbhə xəttini keçməyi ehtiva edə bilər.
Mümkündür ki, bir tərəf o biri tərəfə külli miqdarda mülki vətəndaş
itikisinə nail olmağa can atsın, və belə bir addım adekvat cavab
tədbirləri ilə müşayiət oluna bilər. Müharibə tez bir zamanda
tamamilə nəzarətdən çıxa bilər. Bu gün tərəflərdə olan hərbi
sursatın həcmi və keyfiyyəti kifayət qədər qanlı və destruktiv
münaqişə üçün zəmin yaradır. Mən bunun həlledici qarşıdurma
olacağına şübhə edirəm İstənilən müharibədə olduğu kimi, bu növ
müharibənin hansı istiqamət ala biləcəyini proqnozlaşdırmaq çətin
olardı.
- Deyilənə görə millətlər adətən sonuncu müharibədən
səhv dərslər öyrənir. Sizcə Azərbaycan və Ermənistan
ictimaiyyətlərində növbəti müharibənin, sizi təsvir etdiyiniz
müharibənin mahiyyətinə dair real təsəvvür varmı?
-Xeyr. Ələlxüsus erməni tərəfdə gözlənti budur ki, yeni müharibə
cəld, asan və ucuz qələbə ilə başa çatacaq. Zənnimcə erməni tərəfi
Azərbaycanın hərbi imkanlarını olduğundan xeyli zəif görür. Mən
Azərbaycandakı ictimai fikirlə yaxından tanış deyiləm.
- Siz Dağlıq Qarabağa səfər etdikdən sonra Azərbaycan
hökumətinin qara siyahısına düşmüsünüz. Və hazırda Azərbaycana
gedişinizə qadağa qoyulub. Bu barədə nə demək
istərdiniz?
-Hər bir hökumətin xarici vətəndaşın ölkəyə gəlişinə qadağa qoyması
onun suveren hüququdur. Bu siyahıda artıq 380-ə yaxın ABŞ, Avropa
və Rusiya vətəndaşlarının adları yer alıb. Bunların arasında sənət
adamları da var. Mən təklif edərdim ki, hər dəfə xarici vətəndaş
Daqlıq Qarabağa gedəndə rəsmi Bakı dərhal ictimai şəkildə həmin
adamı Azərbaycana dəvət etsin. Onu ictimai şəkildə vəziyyətə
Azərbaycan tərəfdən nəzər salmağa dəvət etsin. Azərbaycan bu növ
adamlarla təmas qurmalı, onlarla işləməlidir. Əgər həmin adam
Azərbaycana səfər etməkdən imtina edirsə, onda onu siyahıya
salmağın mənası ola bilər. Mən 30 il Azərbaycana gedib-gəlmişəm.
İndi elə gətirib ki, bu qadağa ucbatından Mən Ermənistana üç dəfə
sərəfr etmişəm, amma Azərbaycana bir dəfə də gedə bilməmişəm. Mən
bu siyasətin Azərbaycana nə cür fayda verdiyini görmürəm.
-
MDB13:33
Simonyanın İspaniyadakı çıxışı Rusiyanı qəzəbləndirdi: Senatorlara göstəriş verildi
-
Qoroskop13:25
Gecə 03:48-də başladı: mayın 10-a qədər... - Astroloqdan şok xəbərdarlıq +
-
İdman12:36
Görün ulduz futbolçuların xanımları hansı peşələrdə çalışırmış - FOTOLAR
-
Magazin112:01
Cavanşir Məmmədova gələn müəmmalı zəng: son sözü bu olub
-
Sosial11:28
Sabah 31 dərəcə isti olacaq
-
Magazin111:01
Aktyor xalq artistinə belə cavab verdi: "Bu, onun başı üçün deyil"
-
Magazin110:31
Faiq Brillianta gözlənilməz sözlər dedi: "Allah bircə balasını..." - VİDEO
-
MDB10:21
FTX 5 ildir izləyirmiş: Generalın həbsinin detalları