Digər
Adını Dədə Qorqud vermədi...
Azərbaycanda yeni doğulan çocuqlara qoyulan isimlər açıqlanıb.
Bu araşdırmaya görə, oğlan uşaqlarına qoyulan beş ən populyar ad
bunlardır: Yusif (146), Hüseyn (134), Əli (122), Məhəmməd (88),
Ömər (74).
Bu adların seçimi Azərbaycan ailəsində ciddi sosial-psixoloji
sorunların olduğunu göstərir.
Bir qism ailələrdə yeni doğulan oğlana babasının adını qoymaq
dəbdir. Ancaq bu dəb sadalanan adların populyarlaşmasının əsas
nədəni deyil.
Digər bir kateqoriya üzrə, övlada ad qoymaq yetkisinin ailənin
yaşlı üzvlərinə- babaya, nənəyə, əmiyə, dayıya, xalaya
verilməsidir. Yaşlı adamlar istər-istəməz çağdaş deyə biləcəyimiz
isimlər seçməkdən məhrum olurlar.
Ən qorxulu cəhət üçdür.
a) Bu adların çoxu yuxuda görülüb.
Təsəvvür edin, ər, gəlin, baba ya nənə, yaxud da yaxın bir ailədə
hamilə qadın olduğunu bilən hansısa qohum qurban olduqlarımızdan
kimisə yuxuda görür və xoruz tardan düşməmiş yaxınlıqdakı ağır
ocağa nəzirdən-qurbandan deyib doğulacaq uşağı gələcəkdə adından
utanmaq zorunda qoyur. Uşağın Allahın zaminliyində böyüməsi üçün
valideynlər də lap ürəklərindən ayrı ad keçsə də, yuxuda görülən
ismi şəhadətnaməyə yazdırırlar.
b) Hamiləliyi ağır keçən analar, oğul həsrətində olan atalar,
körpələri hər hansı səbəbdən çox yaşamayan valideynlər uşağın
göbəyi düşməmiş qoltuğuna bir çolpa vurub, cibinə on manat pul
qoyub cumurlar mollanın, axundun yanına. Çolpa görəndə gözü
işıldayan, pul adı eşidəndə üzü gülən Axund Hacı Filankəs, Molla
Məşhədi Bəhmənkəs də Quran açır, surə vərəqləyir, ayə tapır və
gələcək Azərbaycan vətəndaşının yolunu cənnətə kəsə edir.
c) Azərbaycan islamlaşır! Cəmiyyət müsəlmanlaşır! Ailələr
ərəbləşir!- ən qorxulu tendensiya budur, məhz bu!
20-ci əsrin əvvəllərində Allahqulu, Ocaqqulu, Əliqulu adları dəbdə
idi. Xalqımızı əmələ gətirən tayfalarən ağsaqqal və ağbirçəkləri
törəmələrinə təkcə inanc üzündən yox, həm də nəslin davamlılığı
üçün peyğəmbərlərin, imamların, ağır seyidlərin adlarını
qoyardılar. Kəndlərdə, obalarda doğum evləri yox idi,
Allahquluların, Ocaqquluların, Əliquluların arasından həkim
çıxmamışdı, bir ailədə doğulan on uşaqdan üçü-dördü
qızdırmadan-qripdən ölürdü. Bəzən də nəsildəki cinsiyyət balansını
qorumaq üçün "Qızyetər", "Bəsdi", "Gərəkməz" (ulu nənələrimdən
biri) kimi adlar qoyulurdu.
Sovetlər dönəmində Azərbaycan aydınlaşdı. Kommunist rejimi tarixi
bir uğura imza atıb cəmiyyəti dindən uzaqlaşdırdı, kişiləri
saqqaldan, qadınları çadradan azad etdi. Məktəb tikdi, xəstəxana
açdı, qaz çəkdi, işıq verdi və... Azərbaycan insanına yeni isimlər
qazandırdı.
Cəfər Cabbarlının, Səməd Vurğunun, İlyas Əfəndiyevin və sovet
Azərbaycanının digər yazarlarının qəhrəmanlarının adı doğum
şəhadətnamələrini bəzədi.
Hərçənd tipik azərbaycanlı görməmişliyi bizi Şokalad, Traktor,
İspalkom, hətta Marksla Leninin adlarının"sintez"i olan Marlen kimi
adlara gülməkdən məhrum etmədi.
Bütün hallarda adlar Azərbaycanın təfəkkürcə yeniləşməsinin
göstəricisi idi.
Bütün hallarda adlar Azərbaycanın təfəkkürcə arxaikləşməsinin
göstərir indi.
Bu gün adını Aişə qoyduğunuz qızı sabah yelləncəkdən düşürüb bir
qoca kişiyə ərə verməyə də hazırsınızmı?
Heç bilirsiniz bu adları hələ də oğlunuza-qızınıza verdiyini duysa,
Mirzə Fətəli Axundov, Mirzə Cəlil Sizə nə deyərdi?
İnsanın xarakterinin, ictimai missiyasının formalaşmasında ciddi
rolu var.
Bir örnək vermək istəyirəm.
Hazırda Almaniyada yaşayan jurnalist Fəxrəddin Hacıbəyli yaxşı
ateist və səmimi demokratdır.
İslam dinini heç cür qəbul etmir və öz fikirlərini kifayət qədər
ciddi arqumentlərlə əsaslandırır.
Həmkarımın ərəb mənşəli adının mənası isə"dinin fəxri" mənasını
verdiyindən Hacıbəyli ismindən bir hecanı atıb.
Bir zamanlar Azərbaycanda imicinin qayğısına qalanlar soyad
dəyişmək kimi bir zərurət hiss edirdi.
Fəxrəddin Hacıbəylinin timsalında biz adını dəyişdirməyə ehtiyac
duyan insanların varlığını hiss edirik.
Dünyanın gorunu lənətlədiyi İraq diktatorunun şərəfini daşıyan
Səddamlar 21-ci yüzildə xəcalət çəkməyəcəklərmi, Sizcə?
Odur ki, papağımızı qarşımıza qoyub fikirləşməliyik- biz öz
inancımızı oğlumuzun, qızımızın adına sırımaqla onun gələcəkdəki
sərbəst düşünmək azadlığına basqı yaradırıqmı?
Bu nə ərəbləşmə, bu nə"7-ci əsrləşmə"dir belə?
Ağlınıza ana dilimizdə bir ad gəlmirmi?
Yadınıza qos-qoca tarixdən bir türk ismi düşmürmü?
Sevdiyiniz bir əsər, dönə-dönə baxmaq istədiyiniz bir film, tamaşa
qəhrəmanı yoxdurmu?
Heç Siz bir çocuğun xəyalı ilə yaşamadınızmı? Onun ismini
doğulmazan çox-çox öncə sevgilinizlə birgə düşünmədinizmi?
Adı doğulmazdan çox-çox öncə qoyulan cocuqlar imkan verməyəcək
sönməyə bu millətin çırağını.
-
MDB23:12
Bu ölkədə falçı və cadugərlərlə bağlı SƏRT QƏRAR VERİLƏCƏK
-
Magazin122:48
Məşhur xanəndə ONLARI QINADI: "Bu saat necə gəldi geyinirlər" - FOTO
-
Səhiyyə22:36
Ürək ritminin pozulmasının YENİ TƏHLÜKƏSİ: Hər beşinci insan...
-
Region21:48
Türkiyədəki dağıdıcı zəlzələnin görüntüsü yayıldı: yaralılar var - VİDEO
-
Elm və təhsil21:24
Dövlət məktəblərində servis xidməti yaradılır? - RƏSMİ / VİDEO
-
Gözəllik21:12
Süni intellekt gözəli 20 min dollar MÜKAFAT ALACAQ
-
Magazin121:00
Xoşqədəm ötən gün vəfat edən Hadı Rəcəblidən danışdı: "Gördünüzmü?..."
-
Avropa20:12
Göyərtəsində sərnişinlərin olduğu təyyarəni İLDIRIM VURDU