Digər
Ən çox sevilən “kötü kadın“
“Yarpaq tökümü”nün Fərhundəsi: Dəniz Çakır
Azərbaycanlı tamaşaçılara məşhur “Yarpaq tökümü” serialındakı
Fərhundə obrazıyla tanış olan Dəniz Çakır Türkiyənin ən populyar
aktrisalarından sayılır. Serial aləminə ilk dəfə “Qadın
istərsə”dəki Alev roluyla qədəm bassa da, Azərbaycanda olduğu kimi,
Türkiyədə də onu tamaşaçılara Fərhundə obrazı sevdirdi.
Təsadüfi deyil ki, qonşu ölkədə bu roluna görə onu “ən çox sevilən
kötü kadın” adlandırırlar.
Dəniz Çakır 1982-ci il dekabr ayının 31-də Ankarada doğulub. Ankara
Dövlət Konservatoriyasının teatr fakültəsini bitirib. Tələbə vaxtı
sıx-sıx teatr tamaşalarına gedən Dəniz Zeynəb Eronatın yaratdığı
rollara xüsusi maraq göstərib. Dediyinə görə, Eronatın performansı
onun aktrisa olmaq arzusunu daha da gücləndirib.
Qadın istərsə...
Təhsilini başa vurandan sonra Ankaranı tərk edən və İstanbulda
yaşamağa başlayan D.Çakır Birol Güvənin “Qadın istərsə”
teleserialındakı Alev roluna dəvət alır. Baş rollarda Hülya Avşar
və Cihan Ünalın çəkildiyi bu serial Deniz üçün yaxşı başlanğıc
olur.
Teleserial yayınlanmağa başlayandan dərhal sonra aktrisa daha bir
təklif alır. Bu, Birol Güvənin növbəti filmiydi. “İki arada aşk”
filmindəki roluyla Dəniz nəinki Birol Güvənə, elə həm də Türkiyəyə
kinoulduz olacağını sübut elədi. D.Çakırın “İşte benim”
serialındakı obrazıyla da maraq doğurdu, amma bu film
telekanallarda sonacan yayınlanmadı.
Yarpaq tökümü
Deniz Çakır kino aləmində ən büyük uğura Rəşad Nuri Güntəkinin
eyniadlı əsəri əsasında çəkilən “Yarpaq tökümü” serialı ilə imza
atdı. Serialdakı ən önəmli rollardan sayılan Fərhundə xarakteri ilə
diqqətləri üzərində cəmləyən aktrisa 2010-cu ildə ilk dəfə təqdim
olunan “Cem Yılmaz Televiziya ödülləri”nin “ən yaxşı aktrisa”
nominasiyası üzrə laureatı oldu. Dəniz Fərhundə ilə hətta qonşu
ölkələrdə məşhurluq qazandı. Bu arada İstanbul Dövlət Teatrında
görünməyə və teatrsevərlərin rəğbətini qzanmağa başladı.
D.Çakır aktyorlar arasında yalnız Xəlil Ergünlə dostluq edir. O,
TV8-də aktrisa kimi formalaşmasında Xəlil Ergündən ciddi dəstək
aldığını bildirir.
D.Çakır Özləm Akovanın “Kako Si” filmində də baş rolu ifa edib.
Çakır bu filmin Berlin Film Festivalına təqdim edilmək üçün
çəkildiyini mediaya bəyan edib. Aktrisa daha sonra Emre Şahinin
“40” adlı filmində baş rolu oynayıb. E.Şahin bu rolu məhz D.Çakır
üçün yazdığını söyləyib.
Aktrisa Özcan Denizin “Ya sonra” filmində öz istedadı ilə hər kəsi
bir daha heyrətləndirə bildi. Didəm obrazını məharətlə yaradan
Dəniz “Ya sonra” mahnısını ifa etməklə filmin pərəstişkarlarının
sayını artırdı. Təsadüfi deyil ki, onun bu mahnısı İnternetdə ən
çox dinlənilən musiqi parçası kimi seçilib.
Ötən ildən “İffət” serialındakı İffət roluyla televiziyada görünən
D.Çakır bu xarakteri ilə də maraqla izlənilir.
Fotoqrafiya həvəsi
Son bir neçə ildir ki, aktrisa çəkdiyi fotoşəkillərlə də Türkiyə
mediasının gündəmindədir. D.Çakır hətta məşhur fotoqraf Sərdar
Gözəllə birgə fotosərgisi ilə pərəstişkarlarının qarşısına çıxmağa
hazırlaşır. O, şəkillər çəkməyə “Yarpaq tökümü” serialına çəkildiyi
vaxtdan həvəs göstərdiyini və Məsudə Ərarslanın təhriki ilə bu işlə
məşğul olduğunu bildirib. O, bu işi özü üçün hobbi saymadığını,
fotoqrafçılığa ciddi yanaşdığını qeyd edib.
O, həmçinin, ara-sıra rəqs etməyi də xoşlayır.
Özəl həyatı
D.Çakır şəxsi həyatıyla gündəmə gəlməyi sevmir və bacardıqca
telekameraların “nəzər”indən yayınmağa çalışır. Deyilənə görə, o,
“Haneler” filmində iştirak edən aktyor Fırat Doğruloğlu ilə
bərabərdir. Siqaret çəkmir. Qara, yaşıl və qəhvəyi rəngləri sevir.
Sadə, amma iddialı geyinməyə cəhd göstərir. Daha çox 80-ci illərin
modasına uyğun geyinir.
Aktrisa internet sorğularına əsasən, Türkiyənin ən çox pərəstişkarı
olan 20 aktrisadan biridir. Fotogenik aktrisa hətta bu sorğuların
nəticəsi olaraq, Türkiyədə “ən çox sevilən “kötü kadın”
adlandırılır. Onun çəkildiyi filmlərdəki açıq-saçıq səhnələr
İnternetdə rekord sayda izlənilir. Bəlkə elə bu səbəbdəndir ki,
Türkiyənin ünlü “Boxer” jurnalı onu “ən seksi qadın” elan edib.
Publika.Az
-
Nəqliyyat08:25
Paytaxtın bu yollarında tıxac yarandı - SİYAHI
-
Sağlamlıq07:37
Yaz aylarında infarkt riski artır - Hansı tədbirləri görmək lazımdır?
-
Ekopublika.az07:25
Azərbaycanda bəzi ərzaq məhsulları ucuzlaşdı - VİDEO
-
Nida Xəbər 02:19
Paris Bakı ilə münasibətlərin normallaşması üçün addım atmasa... - Hadisələr necə inkişaf edəcək?
-
Qoroskop00:46
Günün qoroskopu: şəxsi həyatınızda ciddi dəyişikliklər ola bilər
-
Hadisə17 Aprel 23:11
Aytən Səfərovanın düşdüyü qəzada ölən gəncin FOTOSU
-
Sosial17 Aprel 22:58
Sosial şəbəkələrdə satılan soyuq silahlarla bağlı DİN-dən AÇIQLAMA - VİDEO
-
Magazin117 Aprel 22:24
Azərbaycanlı bloqer Dubayda çətin vəziyyətdə qaldı - VİDEO