Digər
Tanış olun: Beren Saat
Kimdi Beren Saat?
"Aşkı Memnu" serialının Bihtəri, günümüzün Fatmagülü və son bir
neçə ildə haqqında ən çox danışılan aktrisalardan biri...
Beren Saat ilk dəfə "Altın Kələbək" mükafatlarına layiq görülən
türk serial və kino aktrisasıdı.
Karyerası boyunca tamaşaçı qarşısına ən müxtəlif rollarla çıxsa da,
onların ürəyini "Aşkı Memnu" serialındakı Bihter Ziyagil və
"Fatmagülün suçu nə?" serialındakı Fatmagül obrazlarıyla fəth
edib.
Tərcümeyi-hal
Beren Saat, 26 fevral 1984-cü ildə Ankarada idmançı ailəsində
doğulub, bir qardaşı var. Məktəbi bitirdikdən sonra atasının istəyi
ilə Ankaradakı Başkent universitetinin iqtisad fakultəsinə daxil
olub. Universitetdə təhsil ala-ala sevgilisi Efenin köməyi ilə
"Türkiyənin ulduzları" adlı yarışma proqramına qatılır və ikinci
yeri qazanır. Əgər aktrisa yarışmada qalib gəlməsəydi, hazırda
akademik karyerası ilə məşğul olardı.
Karyera
Beren ekranlara "Aşkımızda ölüm var" adlı serialda Ece Uslunun
canlandırdığı Pərvin obrazının bacısı rolunda çıxıb. Ilk baş rolunu
isə Tomris Giritliğolunun "Aşka sürgün" serialında oynayıb (Mahsun
Kırmızıgüllə tərəf müqabili olub).
Daha sonra "Hatırla sevgili" tarixi serialında Cansel Elçin və Okan
Yalabıkla bir komandada ikinci baş rolunu ifa edib və bu serialla
pərəstişkar kütləsi qazanmağa başlayıb.
Aktrisanın növbəti işi Xalid Ziya Uşaqlıgilin eyni adlı əsərinin
motivləri əsasında çəkilmiş "Aşkı memnu" serialında yaratdığı
Bihter Ziyagil obrazı oldu. Kıvanc Tatlıtuğ, Səlcuq Yöntəm, Hazal
Kaya və Nəbahat Çehrə kimi istedadlı aktyorların da iştirak etdiyi
serial çoxlu tənqidlərlə üzləşsə də, türk televiziya tarixinin ən
çox izlənən istehsallarından biri oldu.
Serial tək Türkiyədə deyil, orta şərq və balkanlarda da izlənmə
rekordu vurdu və gənc akrtisa böyük ekrana transfer edildi - "Güz
sancısı" filminə dəvət aldı. Yeri gəlmişkən, aktrisa "Aşkı məmnu"
və "Güz sancısı" filmində erotik səhnələrə çəkildiyinə görə uzun
müddət türk mətbuatının gündəmindən düşməyib.
Hazırda Beren Türkiyənin "D" kanalında yayımlanan "Fatmagülün suçu
nə?" adlı serialda çəkilir. Vedar Türkalın günümüzə adaptə olunmuş
ssenarisi əsasında çəkilən serial təcavüzə uğramış gənc qızın
həyatda qalmaq uğrunda apardığı mübarizədən bəhs edir və nəinki
Türkiyədə, elə Azərbaycanda da ən çox izlənən serialdı.
Şəxsi
Aktrisa ilk sevgilisini –kollec yoldaşı Efeni ağır yol qəzası
nəticəsində itirib. Bu faciədən sonra uzun müddət heç kimlə
görüşməyən Beren "Xatırla, sevgili" serialının çəkilişləri zamanı
tərəf müqabili Bülənt İnalla görüşməyə başlayıb. Lakin bu
münasibətin də ömrü qısa olub. Türk seriallarının gənc və gözəl
ulduzu hazırda müğənni Kenan Doğulu ilə sevgi macərası yaşayır.
Beren Saat texnologiya və elmi-fantastik xaricində hər janrda filmə
baxır, Sara Cessika Parker, Riçard Gir, Al Paçino, Ancelina Coli,
Culiana Mur, Nikol Kidman kimi aktyorları bəyənir, tarixi kitablar
oxumağı sevir. Ayrıca hər xanım kimi alış-veriş etməyi xoşlayan
aktrisa son modanı da izləyir. Amma gündəlik həyatında rahat
geyinməyə və bijuteriyadan istifadə eləməyə üstünlük verir.
Publika.Az
-
Sosial08:43
Azərbaycanın tanınmış professoru vəfat etdi - FOTO
-
Magazin208:36
Kristofer Nolan cəngavər olacaq, xanımı isə... - FOTO
-
Ekologiya07:17
Bu günə olan hava PROQNOZU - 20 dərəcə isti
-
Magazin206:16
Leonardo Di Kaprio ilə sevgilisi arasında NƏ BAŞ VERİR?
-
Səhiyyə05:15
Ömrü uzadan pəhriz sınaqdan UĞURLA ÇIXDI
-
Avropa03:43
Meqan Markl Keyt Middltonun xəstəliyindən necə istifadə etdi? - ŞOK DETALLAR
-
Avropa02:00
Azərbaycanlı jurnalist Kiyevdə vəfat etdi - FOTO
-
Magazin101:41
Azərbaycanda tanınmış müğənni üçün 2-ci dəfə TOY ÇALINACAQ - VİDEO