Digər
Bayramı qara gələnlər...
O qədər yorğun idim ki, sözlə ifadə eləməyə çətinlik çəkirəm. Mətin otağından çıxıb gəldi ki, nə gec qayıtdın, ata, bu qədər işləmək olmaz axı... Deyəsən, bunu elə-belə, sözgəlişi dedi. Hiss elədim ki, əslində bu, söhbətə körpüdü, nəsə başqa sözü var. Gözlərini gözlərimin içinə zillədi. 13 yaşlı uşağın davamlı baxışlarından üşəndim:
-Nə olub? Məktəbdə problemin var?
-Yox, ata...
-Bəs...
-Bu gün mamanın telefonuna zəng vurmuşdum (o nömrə on aya yaxındı
ki, bağlıdı)... Niyəsini soruşma-heç özüm də bilmlrəm... (Səsi
qırıldı). Dedilər ki, bu nömrə mövcud deyil...
Içim qanadı. Mətinin bayaqkı davamlı baxışlarından əsər-əlamət
qalmamışdı. Indi o, yaşla ləbələb dolmuş gözlərini israrla
gizlətməyə çalışırdı. Və... başını çiynimə qoyub hönkür-hönkür
ağladı. Nə illah elədimsə, mənim də çiyinlərim sözümə baxmadı.
-Sən ağlama, ata. Bütün günahlar məndədi, hərdən “3” alıb gələndə,
mama bərk əsəbiləşirdi. Ürəyi də ona görə ağrıdı...
...Ötən ilin iyununda Mehriban bizi-Şəbnəmi, Mehini, Mətini və məni
tənha buraxıb getdi...
...1982-ci ildə ikimiz də sənədlərimizi universitetin jurnalistika
fakültəsinə vermişdik. 3-cü-xarici dil imtahanından sonra
kəsilənlərin sayı lap çox olmuşdu. Vəziyyəti öyrənmək üçün qəbul
şöbəsinə getdim. Sima xanım (Süleyman Rəhimovun gəlini) gülə-gülə
dedi ki, təbrik eləyirəm, ay Zöhrab, nəhayət, üçüncü cəhdin uğurlu
alındı. Tarix imtahanına cəmi 18 nəfər buraxılıb, daha heç kim
kəsilməyəcək, hamınız qəbul olunacaqsız. Amma hələ heç kəsə heç nə
demə haa, yaxşı?
Qapıdan uça-uça çıxdım və həyətdə Mehribanla qarşılaşdım. Ağzını
açmağa imkan vermədim-Sima xanım nə demişdisə hamısını qoydum
ovcuna. Əvvəl inanmaq istəmədi. Uzun həngamədən, and içib-qan
qusandan sonra o da əmin oldu ki, tələbə biletini almağımıza lap az
qalıb.
Universitetin həyətindən avtobus dayanacağına qədər qoşa getdik.
Dayanacaqda durar-tutmaz qayıtdım ki, sənəd verdiyimiz ilk gündən
sən xoşuma gəlmisən. İnşallah, 5 il bir qrupda oxuyacağıq, mən səni
sevəcəm və axırda da evlənəcəyik. Bunları birnəfəsə hansı cəsarətlə
dediyimi xatırlayanda indi də tüklərim biz-biz durur.
Bu “monoloq”u bitirən kimi ondan uzaqlaşdım. Beş-altı addım
aralanandan sonra hikkəylə dediyi söz kürəyimə xəncər kimi
saplandı:
-Tərbiyəsiz!!!
...Sentyabrın 1-i auditoriyaya girəndə gördüm ki, ikinci partada
Mirşahinlə əyləşib. Tənəffüsdə Mirşahindən xahiş elədim ki, yerini
dəyişsin. Və keçib həmin boş yerdə əyləşdim-ta beşinci kursa qədər
ayrılmadıq. 86-nın dekabrında Şamaxıda-ata ocağında toyumuz
quruldu.
...87-də təyinat bölgüsü vaxtı ağsaqqalımız Nəsir İmanquliyev
(Tanrı ruhunu şad eləsin!) məni gənc mütəxəssis kimi Bakı qəzetində
işə götürdü.
...88-də Şəbnəm, bir il sonra isə Mehin dünyaya gəldi. 99-da Tanrı
anamın dualarını eşidib oğul nəvə payını da əsirgəmədi-Mətin
evimizə Allahın hədiyyəsidi.
...Həkimlər demişdi ki, ürəyinə cərrahi müdaxilə olmasa, yaşamağın
qeyri-mümkündü. Ankarada Qəlb Xəstəxanasında həkimlər və tibb
bacıları nə bacarırlarsa hər şeyi etdilər-ürəyin 2 gün döyündü,
nəbzin asta-asta vurdu. Gözlərinsə açılmadı ki, açılmadı. Neçə vaxt
həsrətində olduğun doğmalar-Şəbnəm Stokholmdan, Mehin Ayovadan,
Səcarəddin Yaponiyadan, Cəlal Moskvadan uçub gəlmişdilər. Sən
gözünü açmadın. Və... və üçüncü gün-iyunun 4-ü hər şeyə nöqtə
qoyuldu...
Sən hamımızı taleyin ümidinə buraxıb getdin. Biryolluq,
əbədilik...
...Martım 20-də Şüvəlan məzarlığındakı qəbir evini ziyarətə
gəlmişdik-övladlarınla. Heç dəyişməmisən. Saçlarını axırıncı dəfə
necə daramışdınsa, eləcə də durur. Sifətindəki məsum gülüş də elə
həminkidi. Amma qara mərmərdən biçilmiş paltarın, deyəsən, səni bir
az sıxır. Çox-çox uzaqlara zillənmiş gözlərin isə bizi görəndə elə
bil bir az canlandı. Mənə elə gəldi ki, nəsə demək istəyirsən.
Nə?..
Övladların bir-birinə sarılıb hönkür-hönkür ağlayırdılar. Onları
ovuda bilmədim.
Bu mənzərəyə şahidlik eləyən ürək daha nə qədər dözəcək,
görəsən?..
Novruz bayramı bu il bizim ocağa qara gəldi...
Ocağınız sönməsin!..
Publika.Az
-
Ekopublika.az08:35
Azərbaycanda yumurta kəskin ucuzlaşdı - SƏBƏB
-
Nida Xəbər 07:50
Blinken Azərbaycanın kəndlərinin qaytarılması ilə bağlı razılaşmanı alqışladı
-
Magazin107:25
Azərbaycanlı aktrisa əzələlərini nümayiş etdirdi - FOTOLAR
-
İdman03:18
“Mançester Yunayted”in ən seksual azarkeşi - FOTOLAR
-
İdman01:45
Məşhur kluba ağır cəza - 18 xalı silindi
-
Sosial01:01
Azərbaycana qaytarılan dörd kəndin sakinləri DANIŞDILAR - VİDEO
-
Qoroskop00:31
Günün qoroskopu: köklü yeniliklər başlanır
-
Magazin119 Aprel 23:15
Nazpəri illər sonra İlhamə Quliyeva ilə küsülü olmasının səbəbini açıqladı - VİDEO