Hər 1000 nəfərdən 473-nün bankda pulu var

Hazırda ölkədə hər 1000 nəfərə 473 əmanətçi düşür. Adambaşına əmanətin məbləği 745 manata, fiziki şəxslərin bank hesablarının sayı isə 6,4 milyona çatıb.

Publika.az xəbər verir ki, əhalinin əmanətlərinin həcmi kreditlərini 2,3 mlrd. manat üstələyib. 2014-cü ildə əmanətlər üzrə əhalinin faiz gəlirləri 450 mln. manat olub. İlin əvvəlindən əmanətlər üzrə orta faiz dərəcəsi 0.4 faiz bəndi azalaraq 9.4%-ə enib. Mərkəzi Bankın uçot dərəcəsindən əlavə may ayından Əmanətlərin Sığortalanması Fondunun Himayəçilik Şurası tərəfindən sığortalanan əmanətlər üzrə maksimal faiz dərəcəsinin 10%-dən 9%-ə endirilməsi də faiz dərəcələrinə azaldıcı təsir göstərib.

İqtisadiyyat şöbəsi