İstilik təsərrüfatının zərərinin ödənilməsi üçün büdcədən 22,6 milyon manat ayrılıb

Mənzil və kommunal təsərrüfat xərcləri uçun 2015-ci ilin dövlət büdcəsindən 443,8 milyon manat vəsait ayrılıb.

Publika.az xəbər verir ki, bu xərclər üçün ayrılan vəsaitin dövlət büdcəsi xərclərinin tərkibində xüsusi çəkisi 2,1 faiz təşkil edir. Həmin vəsaitə mənzil fondunun əsaslı təmiri, küçə və keçidlərdə sanitar təmizlik işlərinin aparılması, yaşıllıq, işıqlandırma kimi işlər daxildir. Bu bölmənin xərclərində istilik təsərrüfatının zərərinin ödənilməsi üçün “Azəristiliktəchizat” Açıq Səhmdar Cəmiyyətinə büdcədən 22,6 milyon manat (subsidiya) ayrılması nəzərdə tutulub.

İqtisadiyyat şöbəsi