Digər
"Yeni Müsavat" Anar Məmmədovdan şəratma kampaniyasına görə üzr istədi
“Yeni Müsavat” qəzeti Azərbaycanın iş adamı, “Garant
Holding” şirkətlər qrupunun təsisçisi, Azərbaycan Amerika
Alyansının təsisçisi və rəhbəri Anar Məmmədov haqqında uzun illər
apardığı çirkin kampaniyaya görə üzr istəməli
oldu.
Qəzet uzun müddət heç bir əsası olmayan, heç bir sübutla
təsdiqlənməyən yalan məlumatlar yaymaqla iş adamı Anar Məmmədovun
nüfuzuna xələl gətirməyə çalışırdı. Lakin sonda ədalətli məhkəmə
qərarı “Yeni Müsavat”ı çirkin şəratma kampaniyasına son qoymağa,
indiyədək yayımladığı əsassız materiallara görə üzrə istəməyə
məcbur etdi.
“Yeni Müsavat”ın üzrxahlıq məlumatında isə bunlar
yazılıb:
“Yeni Müsavat” qəzetinin 3 iyul 2010-cu il tarixli N168-ci
(4484) sayında “Azadlıq” qəzetinə istinadən “Fövqəlnazirlə nazir
oğlu arasında ayı kababı söhbəti” başlığı, “Anar Məmmədov
Kəmaləddin Heydərovun restoranındakı əyripəncəni 1 milyon manata
kəsdirib kabab bişirtdirib”, “Yeni Müsavat” qəzetinin 21 iyul
2010-cu il tarixli N186 (4502) saylı sayında heç bir mənbəyə
istinad etmədən “Prezident Ziya Məmmədovu danlayıb” başlığı və
“Anar Məmmədovun ayı kababı yeməsinin və yaxta avtoşluğunun hesabı
atasına ödətdirilir”; “Yeni Müsavat” qəzetinin 05 avqust 2010-cu il
tarixli N201 (4517) saylı sayında heç bir mənbəyə istinadən “Anar
Məmmədov ayını kimlərlə yeyib” başlığı və “Ölkəyə səs salan
məclisdə Cavid Qurbanovla Arif Əsgərovun oğulları da olub”; “Məmur
balalarının macərasının videosu ölkə rəhbərliyinə təqdim edilib”;
“Yeni Müsavat” qəzetinin 14 sentyabr 2010-cu il tarixli N239 (4555)
nömrəli sayında “Turan” informasiya agentliyinə istinadən “Şeyx
Anar Məmmədovu Dubaydan qovub” başlığı və “Azərbaycanlı kişilərin
Dubaya səfərinə qadağa qoyulmasına nazir övladının davranışı səbəb
olub”, “Bürc Xələfdə müdhiş dava”; “Yeni Müsavat” qəzetinin 15
sentyabr 2010-cu il tarixli N240 (4556) sayında “Turan” informasiya
agentliyinə istinadən “Anar Məmmədovun yaratdığı beynəlxalq
qalmaqala reaksiya verilmir” başlığı və “Nəqliyyat nazirinin
oğlunun ərköyünlükləri artıq dövlətə də problem yaradıb”; “Yeni
Müsavat” qəzetinin 20 iyun 2011-ci il tarixli N161 (4820) nömrəli
sayında “Nazir oğlunun bahalı avtomobili ölkəyə buraxılmadı”
başlığı və “1 milyon dollarlıq maşından dünyada cəmi üçcə dənədir”
adlı məqalələrdə Anar Ziya oğlu Məmmədovla bağlı bir sıra
məlumatlar yayılmışdır.
“Yeni Müsavat” qəzeti Azərbaycan Respublikası Məhkəmələrinin
qüvvəyə minmiş məhkəmə qərarlarının icra edilməsinin zəruriliyi
haqqında qanunun tələblərini yerinə yetirərək və həmin məqalələrdə
dərc olunan məlumatların öz təsdiqini tapmadığını və bu səbəbdən
həqiqətə uyğun olmadığını bildirərək, bu cür məlumatları yaydığına
görə üzr istəyir”, - deyə təkzib yazısında bildirilir.
Məktubdan da göründüyü kimi, qəzet sonda günahkar olduğunu,
yazdığı bütün məlumatların əsassız, heç bir dəlili-sübutu
olmadığını, Anar Məmmədova qarşı qərəzli şəratma kampaniyası
apardığını təsdiqlədi və buna görə də üzr istədi. Özünü haqqın
carçısı kimi təqdim edən “Yeni Müsavat” apardığı haqsız kampaniyaya
son qoymuş oldu.
-
Hadisə09:21
Məktəb binasında yanğın
-
Sosial08:43
Azərbaycanın tanınmış professoru vəfat etdi - FOTO
-
Magazin208:36
Kristofer Nolan cəngavər olacaq, xanımı isə... - FOTO
-
Ekologiya07:17
Bu günə olan hava PROQNOZU - 20 dərəcə isti
-
Magazin206:16
Leonardo Di Kaprio ilə sevgilisi arasında NƏ BAŞ VERİR?
-
Səhiyyə05:15
Ömrü uzadan pəhriz sınaqdan UĞURLA ÇIXDI
-
Avropa03:43
Meqan Markl Keyt Middltonun xəstəliyindən necə istifadə etdi? - ŞOK DETALLAR
-
Avropa02:00
Azərbaycanlı jurnalist Kiyevdə vəfat etdi - FOTO