• USD 1,7339 +0,12% EUR 1,8516 +0,84%
    • GBP 2,1859 +0,79% RUB 0,0272 +0,74%

Husi qiyamı neftin daşınma xərcini 45 mindən 150 min dollara yüksəldib – ŞƏRH

  • Digər
  • 31 Mart 2015 17:57
  • 611 Baxış
Husi qiyamı neftin daşınma xərcini 45 mindən 150 min dollara  yüksəldib – ŞƏRH

Yəməndəki hava əməliyyatları bütün diqqətləri qlobal neft bazarına yönəldib. İldə yalnız 130 min barel neft istehsal edən Yəmənə hücumlardan sonra neft 60 dollara yaxınlaşsa da, həftə başlayandan ucuzlaşma müşahidə edilməkdədir.

Publika.az xəbər verir ki, əməliyyatların neft qiymətinə təsirinin ən böyük səbəbi ölkənin strateji mövqeyidir. Dünyada gəmiylə daşınan neftin 8 faizinin keçdiyi Babul Mendeb boğazı Yəməndə yerləşir. 40 kilometr genişliyə sahib boğaz hind okeanı ilə cənub-şərqi Asiyanı Süveyş kanalıyla Aralıq dənizinə, oradan Avropaya bağlayan dünyanın ən əhəmiyyətli dəniz ticarət yollarından biridir.

Boğazdan keçməyin təhlükəli olması neft tankerlərinin Cənubi Afrikadakı Ümid Burnundan istifadə etməsinə gətirib çıxarıb. Bu da daşınma xərcinin tanker başına 45 min dollardan 150 min dollara yüksəlməsinə səbəb olub.

Nəzərə çatdıraq ki, Nyu-York Fond Birjasında 30 mart tarixində may ayı üçün WTİ markalı neftin fyuçersləri 0,19 (-0,4%) dollar azalaraq bir barel üçün 48,68 dollar təşkil edib.

May ayı üçün Brent markalı neftin London fond birjasında fyuçersləri 0,12 (-0,2%) dollar azalaraq, bir barel üçün 56,29 dollar olub.

Bu gün “qara qızıl” düşməyə davam edib. Nyu-York Fond Birjasında WTİ neftinin may ayı üçün fyuçersləri 0,66 dollar azalaraq 48,02 dollar təşkil edib. Brent markalı xam neftin bir bareli Bakı vaxtı ilə 14.34-də 0.90 dollar azalaraq 55,39 dollar olub.

İqtisadiyyat şöbəsi

Oxşar xəbərlər

Xəbər lenti

DAHA ÇOX XƏBƏR