• USD 1,7339 0,00% EUR 1,8297 -1,20%
    • GBP 2,2001 +0,65% RUB 0,0270 -0,74%

ABŞ “naməlum yük” iddialarına cavab verdi

  • Digər
  • 16 Aprel 2015 08:32
  • 376 Baxış
ABŞ “naməlum yük” iddialarına cavab verdi

ABŞ-ın Qırğızıstandakı səfirliyi “diplomatik poçt” statusu ilə Qırğızıstana çatdırılan 152 ton naməlum yüklə bağlı mediada yayılan xəbərləri şərh edib.

Publika.az “İnterfaks” agentliyinə istinadən xəbər verir ki, səfirlik yüklərin ABŞ səfirliyinin yeni binası üçün adi materiallardan ibarət olduğunu bildirib.

Eyni zamanda Qırğızıstanın güc strukturlarında mənbə bildirib ki, ölkəyə “başqa hədəflər üçün nəzərdə tutulmuş pulu” gətirə bilərdilər. O, əlavə edib ki, “diplomatik poçt” statusu ilə gətirilən yüklər Qırğızıstan tərəfindən yoxlanılmadığı üçün ölkəyə silah da daxil olmaqla istənilən şeyi daxil etmək mümkündür.

Xatırladaq ki, şübhəli yük barədə Ukraynanın “Delo №...” nəşri yazıb. Kiyevdə Maydan hərəkatı zamanı baş verənlərlə müqayisə aparan həftəlik yazıb ki, həmin hadisələr zamanı da Birləşmiş Ştatların Kiyevdəki səfirliyi naməlum mənşəli diplomatik yük almışdı.Məlumata görə, Ukraynanın “Antonov Airlines” aviaşirkətinə məxsus “An-124” nəqliyyat təyyarəsi gətirib. İddiaya görə, Martın sonlarında Bişkekdəki “Manas” aeroportuna iki reys edilib. Təyyarə 152 ton ağırlığında naməlum yükü boşaldıb. Diplomatik yük statusu daşıdığı üçün yük yoxlamadan keçməyib. Yükü ABŞ-ın aviabazasının yerləşdiyi “Manas” aeroportundan 6 yük maşınında daşıyıblar.

Hazırda ABŞ səfirliyi Bişkekdə diplomatik missiyanın yeni binasının tikintisini aparır. Səfirliyin yeni binası hazırkı səfirlik binasının yaxınlığında yerləşəcək.

Ömər Dağlı

Oxşar xəbərlər

Xəbər lenti

DAHA ÇOX XƏBƏR