Ölkədə 2,5 milyon nəfərin banklara borcu var

May ayının biri tarixinə Mərkəzləşdirilmiş Kredit Reyestrinə göndərilən sorğuların sayı 216 978 nəfər təşkil edib.

Publika.az Mərkəzi Banka istinadən xəbər verir ki, banklar tərəfindən göndərilən sorğuların sayı 196 763 nəfər, şəxslər tərəfindən göndərilən sorğuların sayı isə 20 215 nəfər olub.

Ölkədə cəmi borcalanların sayı isə 2 414 122 nəfər təşkil edir ki, ötən ay ilə müqayisədə bu da 24 830 nəfər artım deməkdir. Zamin şəxslərin sayına gəldikdə isə, son bir ay ərzində zaminlərin sayı 6 344 nəfər artaraq, 1 115 820 nəfər olub.

Kreditlərin böyük hissəsi fiziki şəxslər tərəfindən götürülüb. Kredit götürənlər arasında hüquqi şəxslər (10.957 nəfər) və sahibkarlıq fəaliyyəti ilə məşğul olanların sayı 21.573 nəfər təşkil edib.

İqtisadiyyat şöbəsi