Ayrılıq acısından xilas olmağın yolları
Bizi izləyin

Qadın

Ayrılıq acısından xilas olmağın yolları

Hələ də keçmiş sevgilinizi unuda bilmirsiniz?

Onda Publika.az-ın təqdim etdiyi bu yazını mütləq oxuyun!

Mütəxəssislər sevib ayrılanlara çəkdiyi iztirablardan xilas olmaq üçün aşağıdakı mərhələlərdən keçməyi məsləhət görürlər:

* Şokolad terapiyası

Sevginin buraxdığı acı xatirəni unutmağın ən yaxşı yolu şokolad yeməkdir. Şokolad yeyərkən orqanizmin istehsal etdiyi hormon ilə sevdiyiniz zaman ifraz olunan hormonlar eynidir. Beyin bunu bir-birindən fərqləndirə bilmədiyi üçün şokolad yeyərkən özünüzü çox xoşbəxt hiss edəcəksiniz. Üstəlik, keçmiş sevgiliniz ağlınızın ucundan belə keçməyəcək.

* Qarderobu yenilə!

Köhnə geyimlərinizi qarderobunuzdan çıxarın. Onları ehtiyacı olanlara verin. Sevgilinizin xoşladığı, onunla birgə aldığınız, ondan hədiyyə gələn hər şeyi atın. Özünüzə yeni, üstəlik, üslubunuza yad olan, fərqli tərzdə geyimlər alın. Beləliklə, özünüzə inamınız artacaq, əhvalınız yüksələcək.

* Gözəllik salonu

Özünüzü ərköyünləşdirin. Özgüvəninizi artırmaq və şıltaqlıq etmək üçün ən yaxşı məkan gözəllik salonudur. Manikür və pedikür etdirin, saçınızın formasını dəyişdirin. Ancaq dəyişikliklər radikal olmamalıdır. Çünki belə dəyişiklikləri keçmiş sevgiliniz və ətrafınızdakılar depressiya əlaməti olaraq qəbul edə bilər.

* Dostlarla çılğın ziyafətlər

Sevgiliniz varkən böyük ehtimalla dostlarınıza çox vaxt ayıra bilmirdiniz. İndi təkliyinizin dadını çıxarın və dostlarınızla görüşüb çılğın ziyafətlər təşkil edin. Həmin ziyafətlərdə çəkilmiş fotolarınızı sosial şəbəkələrdə paylaşmayın. Çünki bu, keçmiş sevgilinizə acıq vermək kimi qiymətləndirilə bilər. Acıq vermək isə keçmiş sevgilisini hələ də unuda bilməyənlərin vərdişidir.

* Əsas vuruş

Ayrılıq iztirabından xilas olmaq üçün hər gün şokolad yemək, çılğın məclislərə getmək olmaz. Artıq həyatınıza yeni birini daxil emtəlisiniz. Bu, keçmiş sevgilinizi tamamilə unutduracaq. Keçmiş təcrübələrdən faydalanaraq bu dəfə münasibətinizdə özünüzdən daha əmin olun. Özünüzü sevməkdən əsla vaz keçməyin!

Ləman Sultan

Oxumağa davam et
Reklam
Reklam

Gündəm