• USD 1,7369 +0,17% EUR 1,8625 -0,14%
    • GBP 2,1995 -0,47% RUB 0,0272 +0,37%

Dodaq boyasının rəngləri nədən xəbər verir?

  • Qadın
  • 18 Aprel 2014 13:10
  • 1 054 Baxış
Dodaq boyasının rəngləri nədən xəbər verir?

Diqqət çəkən qırmızı və ya göz qamaşdıran çəhrayı...

Hər bir xanımın makiyajının ən son tamamlanma nöqtəsi düzgün seçilmiş dodaq boyasıdır. Dodaqlarında fərqli rəngləri təcrübədən keçirməyi xoşlayan qadınlar var. Lakin qadınların kişilər üçün də bəzəndiyini unutmaq lazım deyil. Publika.Az-ın qadın bölməsi bunu nəzərə alaraq həm dodaq boyalarının nədən xəbər verdiyini, həm də kişilərin sevdiyi və sevmədiyi pomada rəngləri haqqında maraqlı məlumatları toplayıb.

Taylor Swiftin klassik qırmızı pomadası - Bu, “Mənə baxın! Bütün diqqətləri üzərimdə hiss etmək istəyirəm deməkdir”. Rəfiqələrinizlə bir yerdə oturub, əks cinsin nümayəndəsi ilə tanış olmağa can atırsınızsa, qırmızı axtardığınız rəngdir. Qırmızı həm də flirt etməyə hazır olduğunuzu bildirir.

Blake Livelynin odlu çəhrayı pomadası - Bu rəng klassik və romantik çəhrayı tonlarına daxil deyil. Bu rəngdə daha çox punk, rok ulduzu və macəra axtaran insanların ruhu var. Sizin fərqli olmaqdan qorxmadığınızı bildirir. Odlu çəhrayı dodaq boyası çəkən qızların yaxşı musiqi zövqü olur. Onlar romantik şahzadə deyillər.

Ronney Maranın tünd qəhvəyi pomadası - Bu, riskli olmaqdan qorxmuram deyən cəsur qadınların rəngdir. Onlar fərqlənməyi xoşlayırlar. Bu baxımdan fərqliliyi sevənlər üçün idealdır.

Jennifer Lopezin təbii dodaq boyaları - Dəri ilə eyni rəngdə pomada çəksəniz, uzun müddət soyuq yerdə qalmış bir adama ya da cəsədə bənzəyəcəksiniz. Bu rəng çox sıxıcıdır. Neytral rəngli dodaqlar qadınları gözəl göstərmir.

Kristen Dunstın açıq narıncı pomadası - Bu rəngdə pomada çəkən qızların şən, pozitiv, fərqli və əyləncəli xarakterə malik olduğu anlaşılır. Həmçinin özünə güvənin də yüksək olduğu düşünülür. Yeni şeyləri təcrübədən keçirməyi xoşlayaırlar.

Lady Gaganın metalik pomadası - Bu gənc qızlara aid pomadadır. Yəni, yetkin yaşda və ciddi geyim üslubu olan qadının bu pomadadan istifadə etməsi düzgün deyil, onları bəsit göstərir.

Kişilər adatən qadınlarda incə çəhrayı, qırmızının daha zərif tonlarını və yumşaq qəhvəyi tonlarında olan pomadaları çox xoşlayırlar.

Xəbər lenti

DAHA ÇOX XƏBƏR