Əsl qadın bunu da bacarmalıdır
Bizi izləyin

Qadın

Əsl qadın bunu da bacarmalıdır

Qadınlar qədər kişilər üçün də geyinib-keçinmək önəmlidir. Lakin bu sahədə onların qadın köməyinə və dəstəyinə ehtiyacları var.

Kişilər qadınlar kimi zövqlü geyinə bilmir. Nəyi, necə kombinasiya etməyi bacarmırlar və böyük dəb səhvlərinə yol verirlər. Əsl qadın sevdiyi kişinin geyim-keciminə fikir verməli və kişi dəbini də izləməlidir.

Kəmər və ayaqqabı eyni rəngdə olmalıdır. Kəmərlər və ayaqqabılar qara, qəhvəyi klassik rənglərdə olmalıdır. Çünki başqa rəngləri kombinasiya etmək çətindir. Amma fərqli görünmək istəyirsinizsə, klassik qara ayaqqabını parlaq tonlarda kəmərlə birləşdirə bilərsiniz. İdman tərzini sevirsinizsə, kəmər də idman üslubunda olmalıdır.

Köynəyə uyğun qalstuk olmalıdır. Köynəyin qalstukla uyğunluğu dəbin birinci şərtidir. Qalstuk kişinin tərzini əks etdirir. Zolaqlı, üstü şəkilli qalstuk taxmaqdan çəkinməyin. Köynəklə qalstukun rəngi bir-birinə zidd olmamalıdır. Damalı köynəyi elə damalı qalstukla taxın.

Bahalı saata pul verməyə xəsislik etməyin. Saat kişilərin ən önəmli aksessuarıdır. Həm idman, həm də klassik geyimlə taxa biləcəyiniz saat alın. Ucuz modellərə boş yerə pul xərcləməyin.

Qara qayışlı saatı qara kəmərlə, qəhvəyi qayışlı saatı isə qəhvəyi kəmərlə tamamlayın.

Corablara diqqət edin. Corabda ən önəmli qayda şalvar və ayaqqabı rənginin uyğun olmasıdır. Tünd rəng şalvarları qara və zolaqlı corablarla tamamlayın. Ağ corabları klassik şalvar və nazik burun ayaqqabı ilə geyinməyin. Açıq rəngli corablar idman ayaqqabılar üçün nəzərdə tutulub.

Linza yerinə eynək – Gözləriniz zəif görürsə, linzanı bir kənara qoyun. Seçdiyiniz modelin üz quruluşunuza uyğun olmasına fikir verin. Eynəkli kişilər daha xarizmatik görünür. (tabloid.az)

Oxumağa davam et
Reklam
Reklam

Gündəm