Qadın
Feministlər: Bu, qadının bakirəliyinə vurulan eyhamdı...
Fevralın 21-də Fransanın baş naziri Fransua Fiyonun mətbuat xidməti yeni bir sərəncam haqqında xəbər yaydı: bundan sonra Fransada bütün rəsmi sənədlərdə “mademuazel” müraciətinin, həmçinin “qızlıq familiyası” (nom de jeune fille), “nigahdakı familiyası” (nom d”еpouse) ifadələrinin istifadəsi qadağan edilir. (The Daily Telegraph). Onların yerinə “madam” müraciətindən və “ailə familiyası” (nom de famille), yaxud “hazırkı familiyası” (nom d`usage) birləşmələrindən istifadə olunacaq.
“Mademuazel” müraciətinə və “qızlıq familiyası” anlayışına qadağa
qoyulmasına fransız feminist hərəkatının fəal təbliğatı səbəb olub.
Hərəkatın fəalları təkid edirlər ki, “mademuazel” müraciəti
seksizmin bir formasıdı. Çünki bu müraciətdən istifadə ediləndə
qadın ailə vəziyyəti haqda məlumat vermiş olur. Bir də əgər
yaşından, ailə vəziyyətindən asılı olmayaraq bütün kişilər
“müsyö”dürsə, onda niyə qadınlar arasında ayrı-seçkilik
olmalıdı?!
Feministlər həm də deyirlər ki, “mademuazel” sözünün tərkibindəki
“oiselle” fransızca “bakirə” və “sadəlövh” deməkdi ki, bu da qadına
qarşı təhqirdi.
Əslində bu proses – yəni feministlərin “mademuazel” əleyhinə
kampaniyası çoxdan başlamışdı: əksər fransız qadınları sinələrinə
“mademuazel” yazılmış xüsusi nişanlar taxır, hər hansı bir işlə
bağlı dövlət orqanlarına və ya özəl şirkətlərə müraciət zamanı
onlara yalnız madam deyə xitab olunmasını tələb edirdilər. 2007-ci
ildə Fransanın Renn, bu ilin əvvəlində isə Sesson-Sevinye
şəhərlərində müvafiq qərarlar qəbul olunmuşdu. Bundan sonra isə
bütün fransız xanımları kütləvi şəkildə və rəsmən “madam”
olacaq.
Yeri gəlmişkən qeyd edək ki, Almaniyada “freyleyn” sözü (gənc və
subay alman xanımlarına müraciət forması) 1972-ci ildə dildən
çıxarılıb. Tədricən, ingilisdilli ölkələrdə də “miss” müraciətindən
daha az istifadə olunmağa başlayır. Ancaq İtaliya, İspaniya kimi
(lap elə Fransanın özündə də) ölkələrdə bu məsələ ilə bağlı
vəziyyət bir qədər qəlizdi. Iş ondadı ki, roman dillərində
“mademuazel”, “sinyorina” və “sinyorita” kimi müraciət formaları
german dillərində olduğundan daha mürəkkəb funksiyanı yerinə
yetirir. Roman dilli ölkələrdə bu müraciətlər yalnız xanımın ailə
vəziyyətinin, sosial statusunun göstəricisi deyil, həm də flirt
(dilxoşluq) məqsədilə, müraciətin səmimiliyini vurğulamaq üçün
istifadə olunur.
Məsələn, əgər kişi qadına kompliment demək istəyirsə, ona mütləq
“mademuazel”, “sinyorita” deyə müraciət eləyəcək – o qadın çox
yaşlı olsa belə. Üstəlik, teatr cameəsində məşhur aktrisaları
“mademuazel” adlandırmaq ənənəsi var.
Elə bu yerdə nəzərləri özümüzə yönəldərərk deyək ki, Qərbdən fərqli
olaraq, Şərqdə subay qızlara bir, evli qadınlara isə başqa sözlə
müraciət etmək ənənəsi yoxdu. Xalq arasında ən yaxşı halda “qız” və
ya “arvad” (yaşından və ailə vəziyyətindən asılıdı), ən pis halda
“az”, “ay qız”, nisbətən savadlı təbəqədə isə “xanım” sözündən
istifadə olunur. Ki, bu gün qadına ümumişlək xitab formasına
çevrilmiş “xanım”, əslində “xan” sözünün zamanla ilkin mənasını
itirib qadına uyğunlaşdırılmış şəklidi. Yəni “xanım” ifadəsi
keçmişdə qadın cinsinə məxsus fərqləndirici müraciət forması yox,
titul olub - xanım, bəyim, sultanım, hətta ağa – əsasən, kişilərə
aid edilib.
Şura hökuməti qurulub xanlar, bəylər bir sinif kimi ləğv olunandan
sonra isə yalnız qadına aid müraciət formasına çevrilib və onun
ailə vəziyyəti barədə məlumat vermir. Amma təəssüf ki, bunun səbəbi
qadına verilən yüksək qiymət deyil. Əksinə - bizim cəmiyyətdə zərif
cinsə müstəqil fərd kimi yox, daha çox kişini tamamlayan, ikinci
dərəcəli varlıq kimi baxılır. Bu səbəbdən də “qadına necə müraciət
etməli?” sualı problemə çevrilmir. Uzun sözün qısası, rahat yata
bilərik. Qərbdə tüğyan eləyən feminizm fırtınasının bizə çatmağına
hələ çox var.
Biz əvvəlcə öz hüquqlarımız öyrənməliyik.
Aygün
Publika.Az
-
Magazin111:07
Görün Brilliant Dadaşova oğluna nə dedi: Yalvarmaqdan... - FOTO/VİDEO
-
Dünya10:56
Almaniya prezidenti İstanbulda hər kəsi təəccübləndirdi: Dönər kabab...
-
Nida Xəbər 10:16
General Mirzəyev və 40 məmura sanksiya təklif edilir - SİYAHI
-
Qarabağ 10:06
Araikin efirə getməyən müsahibəsi haqda sensasiyalı iddia: Nikol dərhal nə edib?
-
MDB09:45
Rusiya bu ərazidə nüvə silahı yerləşdirib - Şok iddia
-
Nəqliyyat08:25
Bakının bu yollarında tıxac var - SİYAHI
-
Magazin108:10
Şəbnəmin prodüseri vəfat etdi
-
Qoroskop07:39
Bu 3 bürcün may ayında bəxti gətirəcək