“ASAN Xidmət” fərdi yaşayış evlərinə ilkin çıxarış verirmi?

Fərdi yaşayış evlərinə (həyət evi) bağ sahələrinə, torpaq sahələrinə ilkin çıxarışın verilməsi “ASAN xidmət” mərkəzinin göstərdiyi xidmətlər siyahısına daxil deyil.

Publika.az xəbər verir ki, bunu “ASAN Xidmət”in “facebook” səhifəsində vətəndaşların suallarını cavablandırarkən bildirilib.

Məlumatda bildirilir ki, əgər torpağın bələdiyyə sənədləri varsa və evin heç bir sənədi yoxdursa, bunun üçün Daşınmaz Əmlakın Dövlət Reyestri Xidmətinin ərazi üzrə İdarəsinə müraciət etmək tələb olunur.

“ASAN xidmət” mərkəzlərinin əhatə dairəsində yerləşən yalnız mənzillər (bina evləri) üzərində mülkiyyət hüquqlarının ilkin dövlət qeydiyyatına alınması barədə çıxarışların verilməsi, texniki pasportların verilməsi və mənzillər və fərdi yaşayış evləri (həyət evi) üzərində mülkiyyət hüquqlarının təkrar dövlət qeydiyyatına alınması barədə çıxarışların, texniki pasportların verilməsi ilə bağlı xidmət göstərilir. Fərdi yaşayış evlərinə (həyət evi) bağ sahələrinə, torpaq sahələrinə ilkin çıxarışın verilməsi "ASAN xidmət " mərkəzinin göstərdiyi xidmətlər siyahısına daxil deyil.

Gülnar