• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

1500 nəfər ehtiyacı olan uşağa sosial reabilitasiya xidməti göstərilib

1500 nəfər ehtiyacı olan uşağa sosial reabilitasiya xidməti göstərilib

Azərbaycanda 1500 nəfər ehtiyacı olan uşaq ixtisaslaşmış sosial reabilitasiya xidmətləri ilə, 12850 nəfərdən çox şəxs isə evdə sosial məişət xidməti ilə təmin olunub.

Publika.az xəbər verir ki, bunu Əmək və Əhalinin Sosial Müdafiəsi Nazirliyi (ƏƏSMN) yanında Dövlət Sosial Təminat Xidməti (DSTX) tərəfindən ötən ilin 6 ayı ərzində görülən işlərin və qarşıda duran vəzifələrin müzakirəsinə həsr olunmuş iclasda xidmətin rəisi Çingiz Əliyev bildirilib.

Ç.Əliyev sosial-iqtisadi inkişaf proseslərinin və dövlət sosial yardımlarının təyinatında şəffaflığın təminatına nəzarətin gücləndirilməsi nəticəsində bu yardımların alan ailələrin sayının cari ilin 6 ayı ərzində 20,5 % azaldığını, bir ailə üzrə ödənilən yardımın orta aylıq məbləğinin isə 12,1% artaraq 141,53 manata çatdığını bildirib. Ünvanlı dövlət sosial yardımı sisteminin avtomatlaşdırılması yönündə aparılan işlərdən bəhs edən Xidmət rəisi hesabat dövründə sosial müavinət və təqaüd təminatı sahəsində işlərin uğurla davam etdirildiyini göstəricilər əsasında diqqətə çatdırıb. O, hazırda sosial işçilər tərəfindən 12850 nəfərdən çox şəxsin evdə sosial məişət xidməti, habelə sosial sifarişlər əsasında 1500 nəfər ehtiyacı olan uşağın ixtisaslaşmış sosial reabilitasiya xidmətləri ilə təmin olunduğunu qeyd edib.

Bildirilib ki, ötən il 2014-cü ilin mart ayınadək növbədə olan bütün müharibə əlilləri və onlara bərabər tutulan şəxslərə minik avtomobilləri təqdim edilib. Sonrakı dövrdə avtomobil növbəsinə dayananların da avtomobillə təmin olunması üçün müvafiq işlər aparılır. Ötən ay Tərtər rayonunda 6 mərtəbəli 54 mənzilli yaşayış evi müharibə əlilləri və şəhid ailələrinin istifadəsinə verilib, hazırda bu təbəqələrdən olanlar üçün Bakı şəhərində, İmişli, Beyləqan, Şamaxı rayonlarında çoxmənzilli yaşayış binaları, 52 rayonda 379 fərdi ev inşa olunur. Respublikanın ayrı-ayrı şəhərlərində hazır binalardan alınmış mənzillər də təmir olunduqdan sonra müharibə əlilləri və şəhid ailələrinə təqdim olunacaq.

Əlilliyi olan şəxslərin asudə vaxtının səmərəli təşkilinin diqqətdə saxlanıldığı qeyd olunaraq, təkcə cari ilin 6 ayında 780 nəfərdən çox belə şəxsin ölkənin səfalı bölgələrindəki sağlamlıq və istirahət mərkəzlərinə göndərildiyi bildirilib. Hesabat dövründə sosial cəhətdən həssas qrupların təminatının gücləndirilməsi sahəsində görülən işlərin və qarşıda duran vəzifələrin müzakirə olunduğu iclasda əhaliyə xidmətin təşkilində nöqsanlara yol verən əməkdaşlarla bağlı inzibati tənbeh tədbirlərinin görülməsi barədə qərarlar qəbul edilib.

Gülnar Əliyeva

Xəbər lenti

DAHA ÇOX XƏBƏR