• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

Rusiya mətbuatı azərbaycanlı sürücüdən yazdı: "Hamı mənə dəli kimi baxır" - FOTOLAR

Rusiya mətbuatı azərbaycanlı sürücüdən yazdı: "Hamı mənə dəli kimi baxır" - FOTOLAR

Paytaxtda taksi sürücülüyü ilə məşğul olan Camaləddin Qarayev idarə etdiyi avtomobilin şüşəsinə yapışdırdığı elanla bir çoxlarını təəccübləndirir.

Publika.az xəbər verir ki, “90 XT 984” dövlət nömrə nişanlı avtomobilinin üzərinə “Hamilə və 1 yaşına qədər uşaqlı valideynlər üçün gediş pulsuzdur” sözlərini yazmış sürücü bu elanın bir çoxlarının təəccübünə səbəb olduğunu deyir:

“Hamı mənə dəli kimi baxır. Əslində isə mən belə deyiləm. İnsanlara hörmət etmək, onlara dəstək vermək və çətin anda yardım göstərmək mənimçün puldan daha dəyərlidir. Bu səbəbdən də hamilə və 1 yaşından kiçik uşağı olan qadınları öz avtomobilimdə pulsuz aparıram. Əgər imkanı olmayan kimsə yaxınlaşıb, onu pulsuz harasa aparmağımı xahiş etsə, bunu böyük məmnuniyyətlə edərəm. Bu yaxşılıq bəlkə nə vaxtsa mənim də nəvələrimin qarşısına çıxar. Bu, mənim seçimimdir”.

Qeyd edək ki, Camaləddin Qarayevin ehtiyacı olan insanlara bu cür təmənnasız xidməti Rusiya jurnalistlərinin də diqqətini cəlb edib və həmin ölkənin mətbuatında onun barəsində maraqlı yazı dərc olunub.

Anar Tağıyev

Xəbər lenti

DAHA ÇOX XƏBƏR