Qırmızı.az
Azərbaycanlı məşhurun övladları "Möhtəşəm yüzyıl" serialında - MÜSAHİBƏ
AZTV-nın yaddaşlara köçən simalarındandır. Uzun illərdir televiziyadan ayrılıb dövlət işində çalışsa belə adı çəkiləndə ekrandan baxan gülərüzlü aparıcı gözlərin önünə gəlir. Özü ilə danışanda da dedim ki, televiziyanın qoxusu sanki üzərinə çöküb, səni başqa işlə, fərqli sahədə yada salmaq olmur.
Esmira Çərkəzqızı...Uzun illər TV məkanından
uzaqlaşdıgı kimi vətəndən də uzaqdadı. O, 2012-ci ilin fevral
ayında Türkiyə vətəndaşı Tayyar Sayqılı ilə ailə həyatı qurub.
Hazırda üç övlad, üçüzlərin anasıdr. Biz iki televiziya insanı və
qərib ölkənin yeni sakinləri ilə söhbətləşdik. Uzun zaman mətbuatda
görsənmədiyini, tamaşaçıların və oxuçuların marağını nəzərə alaraq
Esmira Çərkəzqızı ilə olan söhbətin şəxsi olmayan məqamlarını
AzVision.az oxucuları ilə bölüşürəm.
-Əvvəlcə onu soruşum ki, niyə yoxsan? Ailə qurduqdan sonra
demək olar ki, səndən xəbər ala bilmədik. Mətbuatda yoxsan, sosial
şəbəkələrdə aradım tapa bilmədim. Düzü eyni şəhərdə yaşadıgımız
üçün səni məndən xəbər alan çoxdu.
-(Gülür) Yoxa çıxmamışam. Mən mətbuatdan 2007-ci
ildə ayrılmışam. AZTV-də Səhər Proqram; direktorunun müavini idim.
Öz ərizəmlə işdən ayrıldım və hər kəsin bildiyi kimi dövlət işinə
keçdim. Dövlət işində olanda jurnalist dostlarımla hər zaman əlaqəm
vardı. Ailə qurandan sonra əlaqələr bir az azaldı. Sosial
şəbəkələrdə də olmadığım üçün elə fikir yarandı ki, yoxa
çıxmışam.
- Ailə qurmaq demişkən, səni hansı rüzgar atdı İstanbula.
Həyat yoldaşınla necə tanış oldun?
- Mən hər il, Türkiyəyə həkimə gəlirdim. Bir xəstəliyim yox idi.
Sadəcə hər kəsində etməli olduğu kimi ildə bir dəfə təməlli (ckp)
müayinə olunurdum. Müayinəyə gələndə həkimimlə rəfiqə olduq. O
həkim həyat yoldaşımın qardaşının xanımıdır. Mənim barəmdə Tayyara
o danışıb. Sonra bizi tanış etdilər. Onlar Azərbaycana gəldi.
Oturduq söhbət etdik, ətraflı tanış olduq. Baxdım ki, mədəni,
savadlı, yerini bilən insandır. İncələdim, araşdırdım və hər
xüsusiyyəti ilə mənə layiq olduğunu gördüm. Ona görə də mənə
evlilik təklif edəndə qəbul etdim, ailə qurduq.
- Ağılla qərar vermisən?
- Əlbəttə. Mən artıq elə mövqedə və yaşda idim ki, ağılla qərar
verməliydim. Ona görə də qərarımdan peşman deyiləm. Çox şükür.
Hazırda anayam və dünyanın ən xoşbəxt hissini yaşayıram.
- Qəhrəman ana...Üçüzlərini dünyaya gətirdin. Səni çox yaşı
anlayıram. Qərib ölkədə üç uşaga baxmaq...
-Təbii ki, çətindi. Yanında kimsə yoxdu. Eyni anda dünyaya gəlmiş
üç uşağa baxmalısan. Amma analıq duyğusu o qədər yüksəkdir ki, hər
şeyin öhdəsindən gəlirsən.
- Uzun illər iş qadını olmusan, iş, səyahətlər, tədbirlər,
geniş çevrə və s. Birdən evdə oturmaq və uşağa baxmaq. Bu durumdan
sıxılmırsan ki?
- Əvvəllər çox ağır gəlirdi. Dediyin kimi, iş qadını və birdən ev
həyatı. Amma indi üçüzlərimi qucağıma alanda, onların bir gülüşünü
görəndə dünyalar mənim olur. Bəzən düşünürəm ki, bu gözəl hissdən
niyə özümü məhrum etmişdim? Arxaya dönüb baxanda bir boşluq
görürəm. İtirilmiş illərimə baxıram üzülürəm. Övlad sevgisi elə bir
ülvü hisdir ki... İndi deyirəm ki, illər boyu işləmişəm, karyera,
ad san qazanmışam. Sən demə boş yerə işləmişəm, zamanımı boşa
xərcləmişəm. Karyera, şan şöhrət övlad sevgisi imiş. İndi düşünürəm
bunları, o zaman düşünə bilmirdim.
- Gec qaldığın üçün peşmansan?
- Əlbəttə. Belə gözəl duyğunu daha tez yaşamaq istərdim. Amma mənim
seçimim belə olmuşdu. İşləmək, karyera qazanmaq istəmişdim. Özgür
qadın olmaq istəyirdim. Yoxsa daha tez ailə qura bilərdim.
Yaxınlarım, çevrəmdə bilirdi ki, çox evlilik təklifi alırdım. Amma
demək ki, qismət belə imiş. Xeyirlisi belə olub.
-İndi bir az üçüzlərdən danış. Sürpriz oldu
üçüzlər.
-(Gülür) Elə bizə də. Biz əkiz bilirdik. Uzun
zaman həkimə də gedib gələndə əkiz demişdilər. Amma bir
müayinəmizdə həkim dedi ki, biri daha var. Sən demə, o özünü
gizlədirmiş. Amma buna çox sevindik. Əslində mənim ana tərəfimdə
əkizlər çoxdu. Bacılarım əkizdi, anamın özü əkizdir. Amma üçüz
məndə oldu.
-Üçüzlər deyəsən şöhrətdə səni keçəcəklər. Türkiyənin ən
reytinqli tarixi filmində “Möhtəşəm yüzyıl” da rol aldılar. Onlar
artıq Şahzadə Səlimin övladlarıdır. Necə gəldi bu
təklif?
-Övladlarım Acıbadəm xəstəxanasında dünyaya gəlib. “Möhtəşəm
yüzyıl”ın yönətməni də filmə üçüz lazımdı deyə elan verib. Dizinin
bağlı oldugu şirkət bu barədə xəstəxanaya da sorğu göndərib. Xeyli
uşaq şəkili göndərilib amma yönətmən qəbul etməyib. Xəstəxanadan
uşaqların həkimi mənə zəng etdi. Dedi ki, icazə versəniz sizin
uşaqların şəkilin verərdik. Bizdə sevə-sevə icazə verdik. Bir gün
dizinin bağlı olduğu şirkət zəng edib bizdən yeni şəkillər istədi
və eləcə də görüş vaxtı təyin edildi. Beləcə üçüzlərimiz dizidə rol
aldı.
- Rəqəm soruşmaq etik olmaz, amma yəqin ki, maddi tərəfi
olub.
- Təbii, orda peşəkarlar çalışır. Uşaqların dizidə çəkilməsi üçün
qonararları ödəndi. Müqavilə bağladıgımız şirkət ilk sığorta
kartını açdı. Bu o deməkdir ki, uşaqlar iş həyatına başladı.
- Çəkilişlər neçə gün çəkdi? Dizi setində oldunuz yəqin,
ordakı şərait, abu hava necə idi?
- İnanılmaz peşəkarlıq var. Yalnız orda olmaq və bunu görmək
lazımdır. Qapalı məkandır. Giriş çıxış xüsusi icazə ilədir. Uşaqlar
sadəcə epizodik rolda çəkilib. Amma bir gün səhərdən gecəyədək orda
olduq. Bizə uşaqların rahatlığı üçün ayrı otaq ayırmışdılar. Orda
dincələk, uşaqlar üzərlərin dəyişsin, yemək yesin deyə yüksək
səviyyədə şərait yaranmışdı. Baxmayaraq ki, uşaqlar epizodik rolda
oynayırdı. Amma elə peşəkar yanaşırdılar ki. Çəkilişdən əvvəl
Şahzadə Mustafa (Mehmet Günsür), Şahzadə Səlim ( Engin Öztürk)
Nurbanu Sultan ( Merve Bologur) gəldi uşaqlarla zaman keçirdi.
Onları ortama, çəkilişə psixolojik olaraq hazırladılar. Çəkiliş
yanvarda oldu. Onda uşaqlar hələ 5 aylıq idi. Buna baxmayaraq
onlara böyük oyunçular kimi yanaşırdılar. Söz düşmüşkən bir
məqamada aydınlıq gətirim. Üçüzlərin diziylə bağlı xəbər çıxanda
bəzi insanlar şərh yazmışdı. Guya biz özümüz uşaqları təqdim
etmişik və bu kimi gərəksiz ifadələr... Amma onlar başa düşmür ki,
bura Türkiyədir və burdakı dizi sektoru çox fərqlidir. Təbii olaraq
hər kəs istərdi ki, övladı belə bir tarixi filmdə epizodik olsa
belə rol alsın. Amma bu bizim istəyimizə bağlı bir şey deyil. Burda
her şeyə peşəkarlıqla yanaşılır. Parametrlər uygun gəlməsə həyatda
o dizinln qapısından içəri girmək omazdı. Sadəcə qaydaları
bilməyərək belə zəkasız danışanları qınayıram. Fikir söyləyəndə bir
az məntiqli danışmaq lazımdır.
- Uşaqlara başqa dizilərdən təklif gəlirmi?
- Hazırda biz Möhtəşəm yüzyıl dizisinin bağlı oldugu şirkətdə
qeydiyyatdayıq. Gələcəkdə onlara başqa seriallarda lazım olarsa
təklif edəcəklər. Bundan başqa bir reklam şirkəti ilə müqavilə
bagladıq. Bir uşaq yeməyi qidasının reklamına çəkiləcəklər.
Müqaviləmiz olduğuna görə hələki şirkətin adın çəkə bilmirəm. İndi
uşaqların bir az kilo almasın gözləyirik. Hardasa yay aylarına
reklam çəkiləcək.
- Gələcəkdə böyüyəndə bu sahədə davam etmələrin
istəyərsənmi?
- Mən istəyərəm. Çünki bilirsən ki, Türkiyədə bu sahəyə diqqət
hörmət fərqlidir. İşə peşəkar yanaşırlar. Amma uşaqlar böyüyəndə
istəyəcəklərmi? Onu deyə bilmərəm. Birdə fiziki göstəricilər və
istedad olacaqmı? Bunu gələcək göstərəcək. Təbii ki, olarsa mən
bundan sevinərəm.
- Bayaqdan danışırıq. Elə üçüz deyib keçirik, adlarını
soruşmamışam.
- Oğlanların ki, Taylan və Kaan, qızın adı Eylül. Taylan və Eylül
adı atalarının, Kaan isə mənim seçimimdir.
- Doğurdan da deyəsən uşaqlar səni kölgədə qoyacaq. Səni
axtarırdıq, indi uşaqlardan danışırıq. Hazırda işləmirsən.
Planların nədir?
- Əslində mən işləyirəm. Sadəcə analıq məzuniyyətindəyəm. Bundan
öncə Bakıda olurdum və işə gedirdim. Risqli hamiləlik keçirdiyim
üçün həkimin verdiyi arayışla erkən iznə ayrıldım. Çünki xeyli
müddət xəstəxanada həkim nəzarətində oldum. İndi isə uşaqlara
baxmaq işi ilə məşğulam.
- Televiziya üçün darıxmırsan? Hansısa layihə həyata
keçirməyi düşünmürsən?
- Mən televiziyada sevə-sevə işləmişəm. Televiziyadakı,
intiriqalara, çirkablara, çətinliklərə baxmayaraq mən o işi
sevmişəm. Yaqin ki, bir gün yeni layihə ilə televiziyada olacam.
Buna gücüm və əzmim var. Özümü formadan düşmüş hesab etmirəm. Nə
qədər evdə olsam da işləmə gücüm və qabiliyyətim itməyib.
- Azərbaycan mətbuatını, prosesləri
izləyirsən?
-Mütləq, həm Türkiyə, həm Azərbaycan mətbuatın izləyirəm, xəbərlərə
baxıram. 1 ildən çoxdu Azərbaycana getmirəm. Amma düzü məni
siyasətdən, iqtisadiyyatdan çox Azərbaycan maraqlandırır. Çox
darıxıram. Burnumun ucu göynəyir Bakı üçün.
- Qəribçilikdə çətindir...
- Çox ... İnsan hər an hiss edir. Çevrəndə tanıdıqların,
qohumların, dostların yoxdu. Xüsusi ilə, xəstəxanada olanda bunu
hiss etdim. Düzdü ailəmdən gələn olmuşdu. Amma anam üçün çox
darıxdım. Onun yerini hiss etdim. Çox istəyirəm ki, o mənim yanımda
olsun. Gözümü açanda onu görüm. Uşaqlarımın sevincini mənimlə
bərabər yaşasın. Amma nə etmək olar ki, məsafələr bizi ayırır.
Türkiyədə həyat yoldaşımın ailəsi, dostlarım var. Amma içimdə bir
vətən nisgili hər zaman olur. Ailə həyatı, qısmətimiz bizi bura
gətirdi. İnanın ki, çox səmimiyəm. Vətənin həsrəti hər zaman içimdə
bir acıdır...İnsan qürbətdə bunu daha yaxından hiss edir.
/azvision.az/
Məhsəti Şərif
-
Ekologiya18:49
Hava şəraiti kəskin dəyişəcək - XƏBƏRDARLIQ
-
Avropa18:38
İranın Parisdəki konsulluğuna partlayıcı ilə daxil olan şəxs SAXLANILDI
-
Region17:53
Əcnəbilərə sertifikatları pulla satan rektor işdən çıxarıldı
-
Nida Xəbər 17:20
Razılıq əldə edildi: Qazaxın 4 kəndi Azərbaycana qaytarılır
-
Rəsmi xronika16:58
İlham Əliyev bu qanunu təsdiqlədi
-
Magazin116:03
Məşhurlar televiziyaların paxırını açdılar: “Yatağa girib irəli gedirlər”
-
MDB15:17
İstanbul razılaşması: Moskva Kiyevə hansı zəmanəti veribmiş? - Lavrov sirri açdı
-
Nida Xəbər 15:02
Bu universitetin mətbuat katibi vəzifəsindən ayrıldı - FOTO