Qırmızı.az

Bakı ən yaxşı şəhərlər SİYAHISINDA

19 Avqust 2015 15:23

“Economist Intelligence Unit” (EIU) tədqiqat şirkəti 140 şəhərin reytinqini hazırlayıb.

Publika.az xarici mətbuata istinadən xəbər verir ki, şəhərlərin reytinqi tibb, təhsil, stabillik, ətraf mühit və infrastruktura əsasən müəyyənləşir. Bakı həyat səviyyəsinə görə, dünya reytinqində 103-cü yeri tutub.

Beynəlxalq mütəxəssislər Bakının stabilliyini 65 bal, səhiyyəsini 66,7 bal, mədəniyyət və ətraf mühiti 60,9 bal, təhsili 75 bal və infrastrukturun inkişaf səviyyəsini 50 balla qiymətləndiriblər. Ümumimikdə Bakının həyat səviyyəsi 62,3 balla qiymətləndirilib.

Reytinq cədvəlinə Avstraliyanın Melburn şəhəri liderlik edir. Şəhər 97,5 bal toplayıb. Onun ardınca Avstriyanın Vyana (97,4), Kanadanın Vankuver (97,3) və Toronto (97,2), Avstraliyanın Adelaida (96,6) şəhərləri gəlir.

Qeyd edək ki, Cənubi Qafqaz ölkələrindən siyahıya yalnız Bakı düşüb. Bir sözlə, siyahıya Tbilisi və İrəvan şəhərlərinin adı düşməyib.

Nura