Qırmızı.az
Yeni yol çəkilir – FOTO/VİDEO
Şamaxı-Göylər-Padar Çöl avtomobil yolu çəkilir. Bu barədə Publika.az-a “Azəryolservis” ASC-nin mətbuat xidmətindən məlumat verilib.
Şamaxı-Göylər-Padar Çöl avtomobil yolunun uzunluğu 54 kilometrdir. Hazırda yolun III texniki dərəcəyə uyğun yenidənqurulması işləri davam etdirilir. Layihə üzrə yolun hərəkət zolaqlarının sayı 2 olmaqla ümumi eni 12 metrdir. Bura 8 metr yolun hərəkət hissəsi, hər tərəfdə 2 metr olmaqla çiyinlər daxildir. Asfalt-beton örtüyünün qalınlığı 25 santimetrdir.
Hal-hazırda layihə üzrə sözügedən yolda bir-neçə istiqamətdə işlər aparılır. Belə ki, Padardan Şamaxı istiqamətinə 0-10-cu kilometrliyində işlər tam olaraq yekunlaşdırılıb. 10-27-ci kilometrlik hissəsində 3 qat asfalt-beton örtük döşənərək, çiyinlər bərkidilib. Yolun 27-37-ci kilometrlik hissəsində mövcud yol yatağı 2,5-3,5 metr qazılır, sağlamlaşdırma işləri gedir. Yararsız torpaq çıxarılaraq yerinə karbonat material doldurulur və üzərinə qırmadaş qarışığı ilə əsas tikilir. Bundan başqa sürüşmə zonasında əlavə tədbirlər görülərək, su axıdıcı qurğuların tikilməsi nəzərdə tutulur.
Şamaxı-Göylər-Padar Çöl avtomobil yolunun 39-cu kilometrliyindən Şamaxıya doğru 6 kilometrlik hissədə artıq 3 qat asfalt-beton örtük döşənib və bu istiqamətdə işlər davam etdirilir. 45-53-cü kilometrlik hissədə isə yol yatağının əsası tikilir. Yolun 54-cü kilometrlik hissəsində sel daşqınlarının qarşısını almaq üçün kiçik su ötürücüləri tikilir. Yolda ümumilikdə 45 su ötürücüsü və 2 alt keşidin inşası aparılır.
Layihənin əhəmiyyəti kifayət qədər böyükdür. Çünki sözügedən avtomobil yolu yenidənqurulandan sonra cənub və aran rayonlarından Şamaxı şəhərinə və əksinə məsafə dəfələrlə qısalacaq. Bu layihənin reallaşması yol üzərində yerləşən yaşayış məntəqələrinin inkişafı baxımından da çox böyük əhəmiyyət daşıyır.
Şamaxı-Göylər-Padar Çöl avtomobil yolunda işlər tərtib olunmuş qrafikə uyğun həyata keçirilir və vaxtında yekunlaşdırılması üçün əraziyə lazımi sayda qüvvə cəlb olunub.
Gülnar Əliyeva
-
İdman08:24
Polis kluba BASQIN ETDİ: iki futbolçu zorlama ittihamı ilə saxlanıldı
-
Magazin104:44
Xalq artisti canlı yayımda kövrəldi: “Darıxdığım var” - VİDEO
-
ABŞ03:13
Komaya düşən qalmaqallı bloqer ÖLDÜ
-
Səhiyyə02:42
Ən güclü qan qrupu: onun sahibləri ÇOX YAŞAYIRLAR
-
Sosial01:41
Azərbaycanı görünüşü ilə heyrətə gətirən uşağın atası danışdı - VİDEO
-
Sosial00:30
“Space" TV-yə geri döndü: "Məbləğin bir qismi ödənildi" - FOTO/VİDEO
-
Qoroskop00:15
Günün ULDUZ FALI: normal imkanlar yaranana qədər gözləyin
-
MDB00:00
Putinə indi məruzə edildi, Şoyquya isə əvvəlcədən deyilib