• USD 1,7339 0,00% EUR 1,8297 0,00%
    • GBP 2,2001 0,00% RUB 0,0270 0,00%

Yol kənarlarındakı dəmirlər sökülə bilər

Yol kənarlarındakı dəmirlər sökülə bilər

Bakı-Sumqayıt yolunda - Ceyranbatan su anbarının yaxınlığında üç nəfərin ölümü ilə nəticələnən ağır yol qəzasından sonra yol kənarlarındakı və ayrıclardakı maneə dərmirlərin tərkibi yoxlanılır.

Bu sözləri Trend-ə Daxili İşlər Nazirliyi Respublika Baş Dövlət Yol Polisi İdarəsinin İctimaiyyətlə əlaqələr şöbəsinin rəisi, polis polkovniki Kamran Əliyev deyib.

K.Əliyev bildirib ki, baş verən hadisə ilə bağlı yaradılan istintaq qrupu araşdırmaların gedişatında həmin maneə dəmirlərin tərkibini yoxlayacaq. Onun sözlərinə görə, əgər ehtiyac yaranarsa, müvafiq qurumlara müraciət olunacaq.

K.Əliyev qeyd edib ki, şahidlərin dindirilməsindən məlum olub ki, yol qəzasına səbəb sürücünün sükan arxasında yuxulaması olub: "Yaralanan sürücü ifadəsində bildirib ki, o, gecə saat 3-də yatıb və səhər tezdən yenidən işə çıxıb".

“Azəryolservis” ASC-nin mətbuat katibi Anar Nəcəfli isə Trend-ə bildirib ki, maneə dəmirlərin tərkibi Avropa standartlarına uyğundur: “Xaricdə də eyni tərkibli dəmirdir. Türkiyədə, Rusiyada, başqa Avropa ölkələrində də belədir. Amma o ölkələrdə belə qəzalar baş vermir. Çünki orada avtomobilləri nizam-intizamla idarə edirlər. Amma bizdə necə gəldi idarə edirlər, sürət həddi aşılır, yol hərəkəti qaydalarına riayət edilmir, hava şəraiti nəzərə alınmır”.

Qeyd edək ki, Bakı-Sumqayıt yolunda baş verən yol qəzasında 3 nəfər ölüb, 3 yaralı xəstəxanaya daxil olarkən onların bir və ya iki ayağı amputasiya olunmuş vəziyyətdə olub.

Xəbər lenti

DAHA ÇOX XƏBƏR