• USD 1,7201 0,00% EUR 1,8691 +0,20%
    • GBP 2,1619 +0,32% RUB 0,0303 +0,33%

Qalmaqallı “Azərbaycan dili” dərsliyinə TQDK mənfi rəy verdi

Qalmaqallı “Azərbaycan dili” dərsliyinə TQDK mənfi rəy verdi

8-ci sinif şagirdlərinin istifadəsinə verilmiş “Azərbaycan dili” dərsliyi tələblərə tam cavab verməyib.

Tələbə Qəbulu üzrə Dövlət Komissiyasından Publika.az-a verilən məlumatda bildirilib ki, Təhsil Nazirliyinin rəsmi müraciətinə əsasən, yeni təhsil proqramı (kurikulum) əsasında hazırlanmış və bu tədris ilində nəşr edilərək 8-ci sinif şagirdlərinin istifadəsinə verilmiş “Azərbaycan dili” dərslik komplektinin nəşrəqədərki maketi qurum tərəfindən qiymətləndirilib.

2015-ci ilin əvvəlində dərsliyin maketi TQDK-nın ekspertləri tərəfindən “Dərsliklərin qiymətləndirilməsi meyarları” əsasında dərsliyin və “Müəllim üçün metodik vəsait”in məzmununun işlənməsi, dil və yazı üslubu, dizayn və bədii tərtibat baxımından təhlil edilərək rəy hazırlanıb.

TQDK-dan verilən məlumatda bildirilib ki, maketin qeyd edilən meyarlar üzrə tələblərə tam cavab vermədiyi rəydə göstərilib və rəy Təhsil Nazirliyinə göndərilib.

Qeyd edək ki, 8-ci sinif şagirdlərinin istifadəsinə verilmiş “Azərbaycan dili” dərsliyindəki tapşırıqların birində vulqar ifadələrin istifadə edilməsi ilə bağlı mətbuatda məlumat yayılmışdı.

Gülxar

Загрузка...

Xəbər lenti

DAHA ÇOX XƏBƏR