Qırmızı.az
Bakını “bəzəyənlər”... Meriya yığışdırır, onlar yapışdırır - FOTOLAR
Dəfələrlə xəbərdarlıq edilməsinə baxmayaraq, bəzi vətəndaşlar dayanacaqlara, binaların fasadlarına bildiriş, elan yapışdırılması ilə bağlı qadağalara dırnaqarası baxırlar.
Ev alğı-satqısı ilə məşğul olanlar, torpaq satanlar, müxtəlif kurslar açanlar öz elanlarını çatdırmaq üçün xüsusi təbliğat lövhələrini deyil, dayanacaqları, fasadları seçirlər. Paytaxtın bəzi mərkəzi yerlərində buna müəyyən qədər əməl olunsa da, kənar qəsəbələrdə bu qadağaya məhəl qoyulmur. Suraxanı, Qaradağ rayonlarının bir sıra qəsəbələrində, dıqqətdən kənar ərazilərdə belə hallara daha çox rast gəlinir.
Məsələn, bu gün Suraxanı rayonu ərazisindəki dayanacaqlardan birində çəkilən şəkil buna bariz nümunədir.
Publika.az məsələ ilə bağlı Suraxanı rayon İcra
Hakimiyyətinin ictimai-siyasi və humanitar məsələlər şöbəsinin
müdiri Barxudar Barxudarovla əlaqə saxlayıb.
B.Barxudarov belə hallara Suraxanı ərazisində rast gəlindiyini etiraf etsə də, bunun kütləvi xarakter daşımadığını söylədi: “Yalnız dayanacaqlara deyil, eyni zamanda yaşayış və məktəb binalarına müxtəlif cür elanlar, bildirişlər yapışdırırlar. Bu cür halların qarşısını almaq üçün qəsəbə nümayəndələri yerlərdə maarifləndirmə işləri aparır və buna rayonumuzda yetərincə nail olunub. Yenə də ərazimizdə belə hallara rast gəldikdə əməkdaşlarımız tərəfindən dərhal müdaxilə olunur, yapışdırılmış elanlar qoparılaraq yerləri təmizlənir”.
Şöbə müdiri belə hallarda cərimə tətbiq edilməsi məsələsinin Bakı şəhər İcra Hakimiyyətinin səlahiyyətlərinə aid olduğunu bildirib.
Cərimə öz yerində. Amma bir şey də var... Vətəndaşlar nəzərə almalıdırlar ki, elanları və bu kimi bildirişləri müxtəlif binalara, dayanacaqlara yapışdırdıqca şəhərimiz heç də ürəkaçan görüntüyə sahib olmur. Şəhərimizin gözəlliyini qorumaq onu idarə edən məsul şəxslərlə yanaşı, sakinlərin də öhdəsinə düşür.
Rübabə
-
Nida Təhlil 15:51
İşğalçı erməniyə göz yaşı tökən molla: İran silahı ilə Azərbaycanın neçə əsgəri öldürülüb?
-
Magazin115:18
Həbsxanada evlənən müğənni: “Heç kimin bacarmadığını etmişəm”
-
Nida Xəbər 14:34
Moskva İrəvandan tələb etdi: Brüsseldə hazırlanmış plana reaksiya gözləyirik
-
İdman13:46
"Real"ın ÇL-dəki qəhrəmanı bu gözəllə eşq yaşayır - FOTOLAR
-
Avropa13:16
Fransanın ikiüzlülüyü: Avropada Rusiya qazının ən böyük alıcısı oldu
-
Region12:41
Özünün dənizə çıxışı yoxdur, başqalarını şirnikləndirir: İrəvan Ər-Riyadda nə təklif edib?
-
Hadisə12:15
Məktəbin həyətində faciəvi şəkildə ölən 14 yaşlı Fərhanın FOTOSU
-
Nida Xəbər 11:43
Prezidentin yüksək vəzifəyə təyin etdiyi Anar Axundov kimdir? - DOSYE