• USD 1,7430 +0,35% EUR 1,8487 -1,24%
    • GBP 2,1929 -0,21% RUB 0,0275 +0,36%

Fiziki qüsurlu qızdan seçici nümunəsi - VİDEO

Fiziki qüsurlu qızdan seçici nümunəsi - VİDEO

Xaçmazlı gənc Elvira Yaqubova Milli Məclisə seçkilər günü nümunəvi hərəkəti ilə hamının diqqətini çəkib. I qrup əlil olan gənc qeydiyyatda olduğu məntəqəyə əlil arabasında gələrək səs verib.

Publika.az-ın məlumatına görə, Elvira Yaqubovaya yaşadığı ünvana səyyar seçki qutusunun gətirilməsi ilə bağlı müraciət edilsə də, gənc xanım bundan imtina edib. O, hamı kimi məntəqəyə gələrək səsvermə prosesinə qatılıb. Gəncin bu hərəkəti məntəqədəki insanlar tərəfindən rəğbətlə qarşılanıb.

55 saylı Xaçmaz şəhər seçki dairəsinin 8 saylı məntəqəsində əlilliyi olan şəxslərin səsverməsini təmin etmək üçün pandus quraşdırıldığından Elvira Yaqubova heç bir maneəsiz səsvermə hüququndan istifadə edib. O, ölkəmizin ali dövlət hakimiyyəti orqanının formalaşmasında yaxından iştirak etdiyinə görə qürur hissi keçirdiyini bildirib.

Elvira Yaqubova 1987-ci ildə Xaçmaz şəhərində doğulub. Aktivliyi ilə seçilən gənc həm də istedadlı rəssamdır. Onun çəkdiyi rəsmlər bir çox sərgilərdə nümayiş etdirilib. (Region TV)

Xəbər lenti

DAHA ÇOX XƏBƏR