Qırmızı.az
Suriyada öldürülən azərbaycanlı güləşçinin həyat hekayəsi – VİDEO
Daha bir azərbaycanlının ölüm xəbəri Suriyada gedən döyüşlərdən gəldi. Sumqayıt şəhərindən olan Ceyhun Əliyev Bəşər Əsədə qarşı vuruşan, özünü İraq Şam dövləti adlandıran silahlı birləşmənin üzvü imiş.
ANS TV xəbər verir ki, bu gənc oğlan həm də Azərbaycan çempionudur.Atasının gözünün işığını söndürən Suriyada öldürülən 2 azərbaycanlıdan biri 22 yaşlı güləş üzrə Azərbaycan çempionu olub. Sumqayıt şəhəri 41-ci məhəllədə məcburi köçkünlərin məskunlaşdığı yataqxanada yaşayan əslən Qubadlı rayonundan olan 22 yaşlı Ceyhun Əliyev 2 il öncə Suriyaya gedib.
Atası deyir ki, övladı ibadətə başlayandan az sonra onlara məlum olub ki, vəhhabi təriqətinə qoşulub. Ailə övladlarında sonradan radikallığı hiss etsələr də onu bu yoldan döndərə bilməyiblər.
Anası Akimə:
“Orucluq bayramı idi, mənə dedi ki, gedirəm məscidə namaz qılmağa. Mən də dedim toyuq alarsan. Sonra gəlmədi, telefonuna zəng çatmadı”.
Bayram namazı adı ilə evdən çıxan Ceyhunun xəbərini ailəsi iki gün sonra İstanbuldan alır. Ceyhun onlara zəng vuraraq Türkiyəyə işləməyə gəldiyini deyir. Az sonra isə sorağı Suriyadan gəlir. Hətta atası Süleyman onun dalınca Suriyaya da gedir və onu Raqqa şəhərində tapır:
“Mən getdim, yalvardım, yaxardım. Amma gəlmədi. Dedi mən Allahın buyurduğu ilə hərəkət edirəm. Mən orda olanda döyüş görmədim. Orda bir boş evdə yaşayırdılar”.
Suriyada öldürülən digər azərbaycanlı isə Ceyhunun bacısının yoldaşı Sumqayıt sakini 23 yaşli Ağakişiyev Aydın Raqif oğludur. Ceyhunun ailəsinin itkisi bununla bitmir. Çünki, ailənin qızı da, əri Suriyada ölən 21 yaşlı Türkan iki uşağı ilə hazırda döyüşlərin getdiyi ərazidədir.
Qəribəsi odur ki, Ceyhun Suriyada Naxçıvandan döyüşə qatılan azərbaycanlı ilə ailə qurubmuş. Onun həyat yoldaşı da orda qalıb. Ailə indi Suriyada qalan 4 nəfərinin geri qaytarılması üçün hər kəsdən kömək istəyir.
-
Sosial16:36
Güclü külək əsəcək, çaylardan sel keçəcək - XƏBƏRDARLIQ
-
Magazin116:11
Zülfiyyə Aşıq Tellini biabır etdi: “Restoranda yeyir, sonra da...”
-
Sağlamlıq15:41
Marketlərdə satılan bu yuyucu tozlar XƏRÇƏNG YARADIR
-
Nida Xəbər 15:11
Təsdiqləndi: Bu şəxslərin MAAŞI ARTIRILDI - MƏBLƏĞLƏR
-
Dünya14:08
Makronla Silvanın romantik pozaları gündəmi silkələdi - FOTO
-
Sosial13:47
Bu şəxslər pensiyaya 5 il erkən çıxacaq
-
Yaxın Şərq13:16
Mahmud Abbas ermənini nazir təyin etdi - FOTO
-
Sosial13:03
Sabah 25 dərəcə isti olacaq