Rektor Aqiyə Naxçıvanlı açıqlama verdi - "Tələbə ayaqyolunda bıçaqlanıb"

Bu gün saat 11 radələrində Azərbaycan müəllimlər institutunun Quba filialında bıçaqlanma hadisəsinin olması haqda xəbər vermişdik.Hadisəni törədən şəxslər məlum olub.

Onlar 1996 cı il təvəllüdlü, Quba şəhər sakini Babayev Vüqar Əhməd oğlu və 1996-cı il təvəllüdlü, Osmanlı Xalid Nəbi oğludur.

’’Xeberdar.az’’ saytı hadisənin hansı səbəbdən baş verdiyini öyrənmək üçün Azərbaycan Müəllimlər İnstitutunun rektoru, Millət vəkili Aqiyə Naxçıvanlı ilə əlaqə saxlayıb.

Rektor saytımıza açıqlamasında hadisənin şəxsi münasibətlər səbəbindən baş verdiyini bildirib.’’Hadisə 1-ci dərsdən çıxdıqdan sonra baş verib və onlar ayaqyonunda mübahisə ediblər.

Nəticədə,Vüqar tələbə yoldaşı Xalidi üç bıçaq zərbəsi ilə yaralayıb.Yaralı hal-hazırda xəstəxanadadı, bu dəqiqələrdə əməliyyat gedir.Vəziyyəti ağır olsa da, həkimlər hər şeyin yaxşı olması üçün çalışırlar.Tələbələrin hər ikisinin valideyinlərinə məlumat verilib.Hadisə hüquq mühafizə orqanları tərəfindən araşdırılır.”